LAURGARREN KAPITÜLIA

Jondane Esteberen bestako.
Abentüko 26

        G: Egün zoin besta ohoratzen dügü?

        I: Iondane Estebe, kristien lehen martir izan denarena.

        G: Zer da martirioaren grazia?

        I: Bere odolaz segürtatzia Ebanjelioaren egiaren.

        G: Eta zer orano?

        I: Jesüs-Kristi erakustia haren hitzaren arau hura ahal oroz onsa maite dügüla, baita haren ohoretan gure bizia gal. Ioan. 15. v. 13.

        G: Jondane Esteberen ohore berhezia zer da?

        I: Jesüsen amorekatik hilzen erakastia hanbat martir saintüri.

        G: Hoiek hanitz direia?

        I: Bai: eztitake aski onsa izenta: tiran gaistoek hirur ehun urthez kristi perestü orotan hil erazi dütienak: orano minzatü gabe, geroz ardüra heretikoek, eta fede gabek hil erazi dütienez.

        G: Martir hoien izigarri den saldoan, zeri güziz gogo hartzeko dügü?

        I: Haur gazte eta birjinak erran eztaitian beno gehiago ikhusi izan direla, fediaren egarteko heriotze borthitzenetarik igaraiten.

        G: Martir hitz honek zer erran nahi dü?

        I: Dio iakile.

        G: Elizaren gloria zer da beraz?

        I: Hanbat iakileren odolak azkartü dian honen fedia.

        G: Zer ikhasi behar dügü martir saintietarik?

        I: Gure egite honez eta pazenziaz gure fediaren borogatzia.

        G: Jondane Estebe ganik zer güziz ikhasteko dügü?

        I: Gure etsaientako Jinkoari othoitzia.

        G: Zer gozo ügürükiteko dügü gure etsaien eginen dütügün othoitzetarik?

        I: Hoien hontzia: hala nola Iondane Esteberen othoitziak Iondane Paule bere hil eraziliaren kristi hon egitia ardietsi baitzian, harri khaldiz hura erhaiten zienen arropak begiratzen zütian ber orenian. Act. 7.