4. igantian

LAURGARREN KAPITÜLIA

Egüberriren aitzineko igantian,
bestan berian, eta ondokoetan erraiteko

        G: Zoin besta ohoratzen dügü daigün egün?

        I: Egüberri.

        G: Zer erran nahi dü Egüberrik?

        I: Jesüs-Krist mündü hontan sorthü den egün saintia.

        G: Haren ama nor izan da?

        I: Maria bethi birjina.

        G: Zer dio honen bethi birjina izatiak?

        I: Birjina zela erdi beno lehen; birjina erdzian; birjina erdi ondoan.

        G: Zergatik Egüberriren bezpera gaia, bestiak oro beno ohoratiago baratü da?

        I: Jesüs-Kristen gaiaz sorthü izan nahiaren orhitzarretan.

        G: Zergatik sorthü da gaiaz?

        I: Erakusteko haren jin aitzinian mündian ülhünpia zela.

        G: Besta honek zer dü berhezirik beste ororen artian?

        I: Zeren hontan hirur Meza erraiten baitira; bata gaiherditan; bestia argitzian; herena beste ordietako orenian.

        G: Zeri gogoa eman behar da gaiherdiko Mezan?

        I: Orhitü behar da Jesüs-Krist barrüki batetan sorthü dela, eta ezari aberen jantegi batetan.

        G: Noiz itxura hontan güziz sogin behar deriogü?

        I: Apezak haren korpitz adoragarria hitz sakramentalez altharen gañen ezarten dianian, altharia edüki behar da jantegi hura bezala, eta Jesüs-Krist adoratü.

        G: Zer egin behar da bigarren Mezan?

        I: Jinko haurra adoratü artzañeki, zoñi aingüriak erran baitzerien haren sor berria.

        G: Zerk artzain saintü hoiek deithü zütian gure salbazaliaren sor lekhiala?

        I: Zelüko müsika, eta kantore alagera batek.

        G: Zoin kantorek?

        I: Elizari hain ardüra Mezan erraitera laket zaionak, eta zoin Egüberriz boztario handiago bateki kantatü behar baita.

        G: Zoin da haur?

        I: Gloria in excelsis; zoñek baitio, Jinkoaren biz gloria lekhü gorenetan, eta lürrian bakia eman bedi boronthate hon diener.

        G: Heren Mezan zeri gogoa eman behar da?

        I: Ama Birjinak mündü hontan sorthü dian Haur hori, bethidanik Jinkoaren semia dela.

        G: Jinkoaren semia, eta Mariaren semia bere persona deia?

        I: Bai; ber persona da gizon egiazko, eta Jinko hontarzün oroz bethe bat.

        G: Zer erran nahi da gizon egiazko izatia?

        I: Gük bezalako korpitz eta arima baten ükheitia, eta gure üdüriala egina, bekhatia salbü.

        G: Zergatik haurtü izan nahi da?

        I: Gure flakezia güzien egartzeko, eta onsa maithatü izateko.

        G: Jesüs Krist sorthü deia behardün eta nekezü?

        I: Bai düda gabe, barrüki batetan sorthü denaz geroz, tenpora borthitz batetan, khüña bat ohatzeko ükhen gabe.

        G: Zergatik?

        I: Gabeziaren, eta gaitz egarten guri erakasteko.

        G: Zer ohore gure salbazaliaren egite eta berthüte zor deriegü?

        I: Her iarraikitia.

        G: Nola gabeziari iarraikiren gira?

        I: Maithatzez jente beharrak, eta ez gaizak ezar auherretan, lehenago hurak eman eztiener.

        G: Eta besta hontan nola behar dügü iarraiki Jesüs Kristek egari dütian nekezier?

        I: Herabe gabe; ez hotza gatik ere hutsik egin ioaitera haren zerbütxü saintietara.

        G: Nola adelatü behar dügü besta hontara?

        I: Konfesione hon batez onsa xahatürik, sü gorri bateki Jesüs Jauna hartürik, hari Jüdiek egin etzerien beno batzarre hobiagoreki.