11. igantian

HOGEI ETA HAMAIRURGARREN KAPITÜLIA

Jinkoari othoitü beharraz

        G: Aski deia fedezko misterio eta egien sinhestia, kristi hon eta salbatü izateko?

        I: Ez: obra honak orano egin behar dira, eta egünak perestüki igaran.

        G: Tenporaren onsa igareiteko, zer egin behar dü kristiak?

        I: Behinere hutsik gabe goiz arratsez Jinkoa othoitü, hari nork bere lana eskentü, eta güziak egin hari laket izateko, eta haren gloria handienaren diren.

        G: Hanbat behar dügia goiz arrats oroz Jinkoa othoitü?

        I: Bai salbatü nahi bagira, eta Jinkoaren benedizioniak jin dakizkün.

        G: Nola behar da Jinkoa othoitü?

        I: Hur benedikatiareki ahalaz zeñhatürik, belhañez belhariko kürütxe, edo Jesüs Jaunaren, edo Andre Dana Mariaren imajina baten aitzinian.

        G: Ezteia aski Jinkoaren othoitzia ohian, züti edo beztitzian?

        I: Etzaio hala emaiten Jinkoari zor deriogün ohoria.

        G: Zergatik beraz bi belhañez belhariko?

        I: Zeren Jinkoari minzo baikira, eta Jesüsek bere Aita belhariko othoitü baitü, guri erakusteko, berhala egin behar dügüla.

        G: Belhariko iartiaz norbaitek erri egin balizazü ützi behar deia hala othoitzia?

        I: Ez: zeren Jesüs gure Jaunak erran baitü, nork ere ahalke baitüke haren ohoratzera jenten aitzinian, hark ere ahalke dükiala haien Aitaren aitzinian bere haurretan ezagützera.

        G: Egiteko lehiatürik bagünü, goizan Jinkoaren othoitziari huts egin ahal giniroa?

        I: Ez: gure egitekorik handiena delakoz gure arimaren salbatzia.

        G: Egüneko lanez akhitü bagina, Jinkoa othoitü gabe etzan ahal gitakia?

        I: Ez: hanbat pena gure korpitzaren hartürik, zerbait, gure arimaren salbatzeko egin dezagün, nahi dü arrazoak.

        G: Kristi güziek goiz arrats Jinkoa othoitü behar dieia?

        I: Bai aita amek haurrek bezala: bürzagi bürzagisek, mithil neskatoek, praube, aberats, handi txipi orok.

        G: Bekhatü handi deia, hilebeten eta urthen igaraitia, zonbait ari diren bezala, Jinkoa othoitü gabe?

        I: Bai halakoek erakusten die Jinkoa mesperetxatzen diela, eta eztiela haren axola, salbatü izateko.

        G: Jinkoa goiz arrats oroz othoitzen diener, zer frütü eta benedikzione Zelütik helzen zaitze?

        I: Hura dükeie bide bat Jinkoaren grazian iraiteko, bekhatiala ez erorteko, edo ez hartan baratzeko, bena bai hartarik laster elkiteko, hilziaren beldür ez izateko, eta bethi adelatürik egoiteko, Jinkoaren jüjamentiala agertzeko.