20. igantian

Katexima gañekoa erran ürhentü datianian

GÜZIA HONLA LABÜRKIAGO
BILDÜ BEHAR DA

        G: Zergatik gira mündü hontan?

        I: Jinkoaren ezagützeko, maithatzeko, eta zerbütxatzeko; hala Paradüsiaren irabazteko.

        G: Zer da Jinkoa?

        I: Zeliaren eta lürraren egilia, eta gaiza ororen Jauna.

        G: Zonbat Jinko da?

        I: Ezta bat baizik.

        G: Zonbat persona dira Jinkoatan?

        I: Hirur; zoin baitira Aita, Semia, eta Espiritü Saintia.

        G: Hirur personetarik zoin gizon egin da?

        I: Jinko semia bera.

        G: Nun gizon egin da?

        I: Maria Birjina Saintiaren sabelian, eta sorthü Betleemen barrüki batetan egüberri bezpera gai minian.

        G: Nola deithü da gizontüz geroz?

        I: Jesüs-Krist.

        G: Zergatik gizon egin da?

        I: Jenete güzien arrerosi eta salbatü nahiz.

        G: Nola arrerosi dütü?

        I: Kürütxian hilziaz, eta Bazkoz arrapiztü da; Salbatorez Paradüsiala igan; Pentekostez igorri Espiritü Saintia Eliza Sainta gana; eta Zelütik iaitsiren da mündiaren ürhenziari jente ororen iüjatzera.

        G: Zer da althareko sakramentü saintian?

        I: Jesüs-Krist osorik, diot haren korpitza, haren odola, haren arima, eta haren jinkotarzüna ogiaren eta mahatsanoaren üdürien pian.

        G: Mirakülü hori onsa sinhesten düzia?

        I: Bai zinez, Jinkoak hala nahi eta erran dialakoz.

        G: Hori sinhesten eztiana, salbatüren deia?

        I: Ez batere.

        G: Sinhestia aski deia?

        I: Ez, Jinkoatan esparantxa ükhen behar dügü, hura goriki maithatü, eta zerbütxatü.

        G: Erakats izagüzü zer den esparantxa.

        I: Ene Jinkoa! Egürükiten dizüt Paradüsia, zure eta Elizako manien begiratzez, honla hura hitz eman deritazülakoz.

        G: Erakats izagüzü, zer den Jinkoaren maithatzia.

        I: Ene Jinkoa! Beste gaizak oro beno maitiago zütüt zihaurgatik; eta ene kristi lagüna nihaur bezala, horik biak manatü deriztazülakoz.

        G: Zer da Jinkoaren zerbütxatzia?

        I: Jinkoaren eta Elizako manü saintien begiratzia.

        G: Jinkoak zer emaiten derie bere manien egiler?

        I: Paradüsia.

        G: Eta hurak hausten dütianer?

        I: Ifernüko sühalamak, hil beno lehen bere bekhatiak parkatü ezpazaitze.

        G: Zer egin behar da, bere bekhatien parkamentiaren ükheiteko?

        I: Oroz onsa kofesatü ahalik sarriena eta anhartio hetzaz dolü handi bat hartü.

        G: Erakatsazü, zer den dolü hon hori?

        I: Ene Jinkoa! Biziki ahalke eta dolü dizüt, zuri ogen eginez, hontarzüna bera zirelakoz, oro kofesatüren zitizüt ahalaz onsa, eta enüzü gehiago gaitziala eroriren.