7. igantian

ZAZPIGARREN KAPITÜLIA

Aparizio ondoko Iganteko,

Jesü-Kristen batheyün gañen;
eta hurez mahatsano eginaz

        G: Erran zenerikün igaran egüna erregeren adorazionia beno lehen, Elizak orano ohoratzen zütiala beste bi misterio, zointan Jesüs-Kristen indarra ageri baitzen, zoin dira hoiek?

        I: Bata da Jesüs Jaunaren betheiatü izatia.

        G: Zer adin zian batheiatü izan zenian?

        I: Hogei eta hamar urtheren üngürünia.

        G: Nork batheiatü zian?

        I: Jondane Johane Batistak.

        G: Batheyiak zer zeñharatzen zian?

        I: Penitenzia, eta bekhatien parkamentia erran nahi zian.

        G: Jesüs-Kristek batheiatü beharra ziana?

        I: Ez; hura saintütarzüna bera zenaz geroz.

        G: Zergatik beraz batheiatü nahi izan da?

        I: Bekhatiaren itxuraren ekharteko zoñen xahatzera jiten baitzen.

        G: Zergatik orano?

        I: Batheyiaren ezarteko saintifikatzeko.

        G: Zer heltü zen Jesüs Kristen batheyiaren ohoratsiagorik?

        I: Gañeko minzo bat zoñek baitzioan, haur da ene seme maitia, zointan onsa laketü bainiz.

        G: Zer igaran zen gehiago ordian?

        I: Espiritü saintia jaitsi zen Jesüs Kristen gaña, urzo batenm üdürian.

        G: Zergatik hala?

        I: Jesüs Kristen emetarzünaren erakusteko.

        G: Gaiza hoiek orok zer zeñharatzen zien?

        I: Batheyian: Jinkoatan diren hirur personen batarzüna, eta agertzia.

        G: Nola hori?

        I: Aita ageri da minzatzian; Semia berartan; eta Espiritü Saintia urzoaren üdürian.

        G: Zoin da orhitzen zaikün beste mirakülia?

        I: Hurez mahatsano egitia Kanako ezteietan, Galileako herrian.

        G: Huraren mahatsanoala ützülze honek zer zeñharatzen zian?

        I: Erran nahi zian Moisaren legiaren ützülzia gure Ebanjelio saintiala.

        G: Zer beraz zeñharatzen zian mahatsanoak?

        I: Jinkoaren haurrek Jesüs-Kristen graziatik jiten zaien alageranzia espirituala, eta gar saintia.

        G: Mirakülü honek nola ager erazi zian Jesüs Krist?

        I: Zeren haur baitzen haren lehen mirakülia, eta ordian haren diszipüliek hartan sinheste hartü baitzien, Jondane Johaneren Ebanjelioak dioan bezala.

        G: Hanbat gaiza miragarriren ohoratzeko, zer egin behar da?

        I: Orhitü gure batheyiaz, eta hartan Jinkoari hitz emanak berritü.

        G: Nola hori?

        I: Berriz hitz emaiten gogo honez Jesü-Kristetan sinheste oso bat ükhen nahi dügüla.

        G: Eta zer gehiago?

        I: Mündüko gora behera güziak üzten dütügüla, bizitze gaistoak, eta gañelako Debriaren aholkiak.