8. 9. eta 10. igantian

ZORTZIGARREN KAPITÜLIA

Jesüs-Kristen bizitze estaliaz bere ama Birjina,
eta Josef saintieki Aparizioren ondoko
bigarren, heren, eta laur igantetan erraiteko,
hanitz merexi dialakoz

        G: Erran itzagüzü Jesüs Kristen bizi hatsarrian agertü ziren gaiza miragarriak.

        I: Aingüriek haren sortziaz Jinkoari esker handiak eman zeritzen; artzañak jin ziren khüñala, haren adoratzera; Erregek hara ekharri zeritzen bere ikhus garri ederrak; eta Elizala eroan zienian, Simeon eta Anna alhargün saintiek hura maiteki ezagütü eta ohoratü zien.

        G: Zer gero heltü zen?

        I: Han hasi ziren haren desditxak eta haren askaziak bortxatü izan ziren haren eroaitera Ejiptarat.

        G: Zergatik?

        I: Herodes khexiaren ihesi, zoñek hil erazi nahi baitzian.

        G: Zergatik Jinkoaren haur honek khüñatik hasi behar zian hala gaitz hartzen?

        I: Zeren kürütxia baitzen haren siratsa.

        G: Herodesen gaizki egin nahiak nola jakin zütien?

        I: Aingürü batek hurak salhatü zeritzon Josef saintiari amets batetan eta hura manatü zian, Herodesen eskietarik itzur ladin Ejiptarat.

        G: Eta zer, Jinko haur honek bere askazier etzerien beraz gaitz beizik eretxekiten?

        I: Maite dütianak bere kürütxiaren egarle lagün nahi dütü.

        G: Noiz ützüli zen Ejiptarik?

        I: Herodesen hil ondoan, aingüriak Josef saintia manatü zian, Israeleko herrialat hura arrekhar lezan.

        G: Egon zena Jüdean?

        I: Ez; lotsaz Arkelaus Herodesen semiaren, zoñek haren eretzialat bere aitaren gogo gaistoa begiratü baitzian.

        G: Haur honek beraz bethi etsaiak ükhen zütian?

        I: Bai eta etsai handiak, eta erregiak.

        G: Non egon zen?

        I: Nazaret Galileako bürgian bere askazieki.

        G: Lehen tenpora haiez geroz etziana deusek jakin erazi Jesüs Kristen jitia?

        I: Ez batek ere, hamabi urthe zütükiano.

        G: Adin hortan zer heltü zaion?

        I: Jerüsalemera joanik bestaren ohoratzera Mariareki eta Josef bere hatzaliareki, itzuri zaien aitzinetik zoin gero Elizan ediren baitzien.

        G: Zer ari zen han?

        I: Jarririk zagoan jakinsien erdian, her beha eta galthoz: haren zühürtziak eta ihardeste ederrek güziak izitzen zütiela.

        G: Hitz hoiek zertzaz orhit eraziten zütie?

        I: Jesüs Krist han ari zen bezala, haurrek ere gure elizetan katexima onsa erran behar diela, jakinsier beha, batak bestiari galtha, eta ihardets.

        G: Zergatik beraz Jesüs jakinsien erdian jarririk zagoan?

        I: Zeren egiaz hen bürzagia baitzen, zonbat ere ezpaitzian orano bere ahal güzia erakusten.

        G: Zergatik Jesüsek hamabi urthetan ager erazi nahi ükhen zian bere zühürtzia?

        I: Erakusteko, ordian drano ezaba eta gordez bizi nahi izan zela; hala nahi izan zelakoz.

        G: Zonbat egon zen ezaba?

        I: Hogei eta hamar urtheren üngürünia zütükiano, eta hura Jondane Batistak batheia artio.

        G: Hara drano ihurk zer zakian hartzaz?

        I: Deusere, baizik adinetan aitzina, zoeno bere zühürtzia bethi gehiago erakusten ziala.

        G: Zer da orano Jesüs-Kristez izkiribatürik?

        I: Bere aita eta amen maniak onsa begiratzen zütiala.

        G: Eta zer orano?

        I: Josef saintiareki langiten ari zela, eta ofiziale baten edükiten ziela.

        G: Zer ofizio egiten zian?

        I: Maiastürügoa.

        G: Hala Jinko batek merexi ziana bizi?

        I: Bai, jente güziak eskolatzen dütianaz geroz.

        G: Horrek zer erakasten derie?

        I: Jinkoak zerbaitetara deitzen gütianian baizik ez agertzia: gañelan bizitze, nekezü, estali, eta behera bati jarraikitia.

        G: Haurrer güziz zer erakasten derie?

        I: Hen berthüte ederrena dela, bere aita amen, askazi eta gehienen manü pian bizitzia.

        G: Eta zer orano?

        I: Elizala ardüra joan behar diela; han bere artzañer onsa behatü, eta galthoer ihardetsi.

        G: Noiz egin diroie?

        I: Kateximaren erraitian.

        G: Han behar direia ere galthatü?

        I: Bai, eztakitzenen ikhasteko.

        G: Hortik zer jinen da?

        I: Jesüs-Krist bezala adinian eta zühürtzian bethi aitzinatüren dira.

        G: Jesüs-Kristek haurzarotik etzian zühürtze oso bat?

        I: Bai düda gabe, bena egünetik egüniala hura hanbatenaz ager erazi dü; haurrer erakasteko bethi agüdotiago behar diela.

        G: Ama Birjina nola bizi zen?

        I: Jesüs-Krist bezain ezabaki.

        G: Zer ari zen?

        I: Jesüsen egiter, eta harez erraiten zütiener gogoa emaiten zian.

        G: Beraz Jesüs-Kristen etxekoen saintütarzüna zertan zagoan?

        I: Legiak manü egin zerien ordietan elizala zabilzan; Jinkoa orotan zerbütxatzen; bere laner jarraikiten, eta ezaba bizi ziren.

        G: Horietarik orotarik zer ikhasten dügü?

        I: Egiazko saintütarzüna eztela, herots handitako gaizen egitia, bena bai nor bere eretzian berthütez beheratzia, eta bigabiaren emeki egartia.

        G: Bena zergatik ebanjelistek hain güti erraiten derikie Jesüs-Kristez eta haren etxeko saintiez?

        I: Guri erakasteko, aski dioie: eta hain sarri ikhasten derikie, eztügüla behar iarraiki gaiza soberari.

        G: Zer iakin behar dügü?

        I: Dakitzagünetarik gozo hartzia, eta gañelan eztakitzagünetan ixil egoitia.