2. igantian

BIGARREN KAPITÜLIA

Trinitatiaz

        G: Zonbat persona dira Jinkoatan?

        I: Hirur: Aita, Semia, eta Espiritü Saintia.

        G: Aita Jinko deia?

        I: Bai.

        G: Semia Jinko deia?

        I: Bai.

        G: Espiritü Santia Jinko deia?

        I: Bai.

        G: Badira beraz hirur Jinko?

        I: Ez: zeren hirur presona hoiek ezpaitie ber izatia, indarra, eta Jinkotarzün bera baizik.

        G: Zoin da hirur persona hoietan zaharrena, azkarrena, eta zühürrena?

        I: Bardin dira orotan.

        G: Zergatik erakusten zaizü Aita gizon ohoratü baten üdürian?

        I: Guri erazagützeko, bethidanik, Trinitate Saintüko lehen persona dela.

        G: Zergatik deitzen düzü lehen persona, Aita?

        I: Izatia emaiten deriolakoz bigarren personari, zoin baita semia.

        G: Nola Aitak emaiten derio izatia semiari?

        I: Berartzaz bethidanik ezagütziaz.

        G: Nontik da Espiritü Saintia?

        I: Aitak eta semiak algarren bethidanik dien maitetarzünetik.

        G: Jinkoatan diren hirur personak egiazki algar ganik berhezi direia?

        I: Bai: bena hala ere eztie ber Jinkotarzüna baizik.