24. igantian

HAMAZAZPIGARREN KAPITÜLIA

Mezako sakrifizioaz

Luc. 22. v. 19. Hebr. 5. v. 1. Act. 13. v. 2.

        G: Zer egiten düzü lehenik Iesüs-Kristen korpitzaz eta odolaz?

        I: Meza saintian ohereskatzen zitizüt Jinko Aita bethierekoari, hen merexiez ene bekhatien parkamentiaren eta behar ororen ardiesteko.

        G: Sakrifizio honzaz zer enthelegatzen düzü?

        I: Jinkoaren handitarzünari altharian bere semiaz egiten zaion ohereskia, hari laketenik zaiona bezala.

        G: Zergatik egiten da sakrifizio haur?

        I: Jesüs-Kristek kürütxian berartzaz egin dianaren orhitzarretan, eta haren berthütiaren guri eretxekiteko.

        G: Mezako sakrifizioan Jesüsek isurtzen dia bere odola, beste ordüz kürütxian bezala?

        I: Ez: sakrifizio haur odolstatü gabe da.

        G: Jesüs Krist hilzen deia sakrifizio hontan?

        I: Bai üdüritan, bena ez egiatan.

        G: Nola hori?

        I: Üdüri delakoz, misterio hontan haren korpitz eta odol edireiten direnak ostian, eta kalitzan bata bestiaganik berhezi direla.

        G: Bena egiazki berhezi direia?

        I: Eztitake berhez gehiago, Jesüs-Krist hiletarik piztüz geroz.

25. igantian

        G: Mezako sakrifizioan edireitian zer egin behar da?

        I: Orhitü Jesü-Kristen hilziaz, Kalbarioan ikhusten bagünü bezala, eta haren minez honki gure bihotzak.

        G: Elizak Jinkoari zer eskentzen derio Meza saintian Jesüsen, korpitz eta odolareki?

        I: Kristi hon ororen othoitz eta gogo honak.

        G: Zergatik?

        I: Jinkoari laket zaitzolakoz, bere semiaren korpitz eta odolarekin eskenzen deritzogünian.

        G: Nori egiten da sakrifizioa?

        I: Jinkoari berari, haren gehiangoa eta hontarzün ezinago handien ezagützeko.

        G: Zergatik Paradüsian diren saintiez orhitzarre egiten da Mezan?

        I: Jinkoari eskerren emaiteko harganik ükhen dütien honez; erakusteko ere saintü, egin direla hontan ohereskatzen deriogün Jesü-Kristen merexiez, eta artekari izan dakizkün Jinkoa gana.

        G: Zergatik apezak Mezan hartzen dü Iesüs-Krist ogiaren eta mahatsanoaren bi üdürien pian; ez aldiz bestek?

        I: Hobeki sakrifikadore bezala erakusteko Iesüs-Kristen arimaren eta korpitzetik berheztia kürütxian; haren beraren korpitz eta odolaren hartziaz, ogiaren eta mahatsanoaren bi üdürien pian; zoin ezpaita apez eztirener.