15. igantian

HAMARGARREN KAPITÜLIA

Bekhatiaz, eta haren erremedioez,
indüljenziez ere

        G: Zer da bekhatia?

        I: Jinkoaren legia hausten diana oro.

        G: Zonbat bekhatü gisa da?

        I: Biga: orijinala, eta aktuala.

        G: Zer da bekhatü orijinala?

        I: Adam mündüko lehen gizonaz egin dügüna, zoñez kozatürik sortzen baikira.

        G: Zer zen bekhatü hura?

        I: Jinkoak frütü debetatü zerionaren iatia Eden deitzen zen baratzian, edo lürreko Paradüsian.

        G: Frütü hura gaisto zena?

        I: Ez; Jinkoak eztü deus egiten gaistorik.

        G: Zergatik beraz Jinkoak debetatü zerion hura gizonari?

        I: Sinhetsiren zianez borogatzeko.

        G: Zerk eragotzi zian lehen gizona manü haren haustera?

        I: Deebriak hartara tentatü zian, eta aholkatü Eba haren emaztiaz.

        G: Gizonak arren eztü egin bekhatürik, Deebriak eragin derionaz geroz?

        I: Bai bekhatü handi bat ere, Jinkoaren graziarekin espiritü gaistoaren tentazionia gaeraiten ahal zianaz geroz.

        G: Zer da bekhatü aktuala?

        I: Gihaurek egiten dügüna.

        G: Zonbat bekhatü aktual gisa dira?

        I: Biga: mortala, eta beniala.

        G: Zer da bekhatü mortala?

        I: Jinkoaren grazia gal eraziten deriküna, eta gure arimari Zelüko bizitzia edekiten deriona.

16. igantian

        G: Zonbat dira bekhatü mortal gehienak?

        I: Zazpi: Ürgüillia. Abarizia. Aragizko bekhatia. Bekaizteria. Gormandiza. Khexükeria. Herrabia.

        G: Zer da bekhatü beniala?

        I: Jinkoaren grazia edekiten ezteiküna, bena bai hozten haren maitetarzüna.

        G: Bekhatü mortaletan hilzen direnak zer gerthatzen dira?

        I: Ifernialat doatza, bethikoz han deebrieki erratzera.

Bekhatü benialetan hilzen direnak mortalen ere ogenak parkatürik haiek orok merexi zien penitenzia, mündü hontan aski onsa egin gabe, zer gerthatzen dira?

Pürgatoriola doatza.

        G: Zer da Pürgatorioa?

        I: Lür pian süz bethe den lekhü bat Iferniaren althian, non arimek pena ezinago garratzaz pakatzen baitütie, eta zoñek bekhatien arau lüzaz iraiten baitie.

        G: Pürgatorioko pener ihes egiteko, zer egin behar da?

        I: Bizi gireno penitenzia; indüljenzia eta jübileuak irabaz; sakramentiak ardüra har Meza entzün debotki; Jinkoa onsa othoi, eta gañelako obra onak egin.

Gure bekhatiegatik Jinkoari zor deritzogün pena tenporalen parkamentia, zoin Elizak penitenziako sakramentütik berhez emaiten baiterikü, graziatan iarten bagira, eta obra honak egiten.

        G: Elizak indüljenziez, eta jübileuez nola parkatzen derizkü gure bekhatü parkatiek merexi dütien gaztigiak?

        I: Jesü-Kristen, Andre Dana Maria, eta beste saintien hongiginak, Jinkoari zor deritzogünen honimentütan, eretxekiten derizküla.

        G: Nork eman ditzake indüljenziak?

        I: Aita Saintiak Elizako orori, eta jaun Apezpiküek bere pekoer, eta apezak xede ezari deritzenen arau.

        G: Pürgatorioan diren arimak gure othoitzez, ohereskiez, eta penitenziez ürgazten ahal dütügia?

        I: Bai, güziz Meza saintiez, zoinak ardüra gure askazi, adiskide, eta hilentako erran erazi behar baitütügü; hartako ere dira bethiz geroz ordeñietan ordenatzen prebendak eta obitak urthekal arimen orhitzarriak.