15. igantian

HAMIRURGARREN KAPITÜLIA

Bazko besta saintietako

        G: Egün zoin besta dügü elizan?

        I: Besta orotako handiena, zoin deitzen baitügü Bazko, eta zoñek hanbat merexi baitü, non bihar eta etzi orano begiratzen baita, eta bestordüz zortzi egün iraiten beitzian.

        G: Elizak zer misterio ohoratzen dü egün saintü haietan?

        I: Jesüs-Krist gure Jaunaren hiletarik pitzia.

        G: Zer erran nahi dü hiletarik pitziak?

        I: Haren arima eta korpitzaren berriz algarganatzia, zoin herioak berhezi baitzütian.

        G: Nork ikhusi dü Jesüs-Krist arrapiztürik?

        I: Emazte saintiek, bere apostoliek eta bostetan ehün beno haboro hartan sinheste hartü zienek.

        G: Nola borogatü zerien bere arrapitzia?

        I: Heki jan zian, eta elhestatü zen bere korpitza honki erazi, eta hen eskiak bere zaurietan ezar erazi zeritzen.

        G: Allelüya hitz honek zer erran nahi dü, zoin hain ardüra egün saintü hontan erraiten baita, eta ondoko Jinkoaren zerbütxietan?

        I: Dio Jinkoaren direla laidorioak, eta hura zen alageranziazko oihü bat Jinkoaren Popüliaren artian.

        G: Zergatik beraz hain ardüra arrerraiten da?

        I: Boztario zeñharetan.

        G: Eta zergatik tenpora hontan Jinkoa züti othoitzen da?

        I: Alageranzia ere zeñharetan, eta Jesüs Krist hiletarik, zütitü dela.

        G: Zergatik besta haur, eta Bazkoko tenpora güzia hanbat alageranziareki ohoratzen dira?

        I: Zeren Jesüs-Krist hontan ageri baita goithürik herioa eta bekhatia.

        G: Zergatik herioa?

        I: Zeren bizi baita, eta gehiago ezpaitaite hil.

        G: Zergatik bekhatia?

        I: Zeren garhaitzen baitü herioa zoin bekhatiak jin erazi baitzian.

        G: Bazko etzena jüdio popüliaren besta bat?

        I: Bai; hura zen besta bat, zointan Jinkoaren popüliaren Ejiptarik elkhitia eta solthüra ohoratzen baitzien.

        G: Bazko hura zertyan üdüri da guria?

        I: Zeren Jesüs-Kristek arrapiztürik begiratzen baikütü hilze bethierekotik eta Ifernütik.

        G: Bazko hitz honek zer erran nahi dü?

        I: Dio Igaraitia.

        G: Zer zeñharatzen derikü igaraite horrek?

        I: Hala nola Jesüs-Krist heriotik biziala igaran baita, berhala bekhatütik graziala igaren behar dügüla.

        G: Diozünian, Jesüs-Krist arrapiztürik eztela hilzen gehiago, zer hortik idoki nahi düzü?

        I: Eztügüla haboro bekhatürik egin behar.

        G: Nola beraz ihork ezagütüren dü Bazko besta hontan egiazki arrapiztü denez Jesüs-Kristeki?

        I: Hastio eta üzten badütü ez solamens bekhatiak oro, bena bai orano hetara erortokiak, eta lagün gaistoak.

        G: Nola orano?

        I: Zelüko gaizer jarraikiten bada, eta ezdeusen edükiten aldepekoak oro, handikeriak, sobera agertü nahiak, plazerak; azkenekoz Jinkoaren gaizetan gozo hartzen badü.

        G: Jinkoaren gaizetan gozo hartzia zer da?

        I: Debozioniaren, othoitziaren, parropiako zerbütxü saintiaren, predikiaren, eta kateximaren maithatzia.

        G: Bazkoren tenpora güzia zer sendimentütan igaran behar dügü?

        I: Alageranzia espiritual batetan.

        G: Nola?

        I: Gozo hartüz bekhatien parkamentian, eta ügürükiten dügüla, Jesüs-Krist bezala arrapiztüren girela.

        G: Jesüs-Krist bezala arrapitziak zer erran nahi dü?

        I: Haren glorian bizitzia arima eta korpitzian, parte hartzen badügü haren penetan.