16. igantian

HOGEI ETA HAMAZAZPIGARREN KAPITÜLIA

Jinkoaren graziaz

        G: Zerk gure arimak bekhatü mortaletik xahatzen dütü?

        I: Jinkoak emaiten derikün graziak.

        G: Zer da grazia?

        I: Jinkoak hontarzünez jenter emaiten derien dohain bat, haien salbatzeko.

        G: Zonbat grazia gisa dira?

        I: Biga: grazia aktuala, eta grazia habituala.

        G: Zer da grazia aktuala?

        I: Argi eta iratzartze Jinkoak Zelütik emaiten derikün hon bat, gaitzari ihes egiteko, eta honari iarraikiteko.

        G: Zer da grazia habituala?

        I: Zelüko dohain bat, zoñek Jinkoaren gogara gure arimak ezarten baitütü, eta indar emaiten haren manien begiratzeko.

        G: Nola deitzen da grazia habituala?

        I: Grazia jüsto egiten gütiana, gure arimak bekhatietarik xahatzen dütialakoz, eta Jinkoaren aitzinian behar bezalako egiten.

        G: Grazia lehen hori merexi dirogia?

        I: Ez: zeren Jinkoak hura dohain emaiten derikü Jesüs-Krist gure Jaunaren merexiengatik.

        G: Grazia santifika gitiroana merexi dirogia, eta nola hura ardiets dirogü Jinkoa ganik?

        I: Bai othoitzez, obra honez eta sakramentiez.

        G: Zer emaiten derikü grazia jüsto egiliak?

        I: Jinkoaren haur egiten gütü. Jesüs-Kristen aurhide. Bethiereko gloriaren primü.