19. igantian

HOGEI ETA HEMERETZÜGARREN KAPITÜLIA

Andre Dana Mariaren
debot izan beharraz,
eta Arrosarioaz

        G: Jinkoaren graziaren ükheiteko, Birjina Saintiaren debot izan behar dügia?

        I: Bai: zeren Jesüs-Krist gure Jaunetik hiperdülie landan, hari beste saintü orori beno haboro zor baiteriogü. Konderetan gañen erran dügün bezala.

        G: Zer zeñhare da Ama Birjinaren debot izatia?

        I: Harentiar dena Jinkoaren haur egiazko dela; hartakoz gure behar orotan haurrak ama gana bezala, hargana laster egin behar dügüla.

        G: Nola hori?

        I: Haren besta saintietan kofesatziaz eta errezebitziaz, hen besperak eta neskenegünak ahalaz barurtüz haren ohoretan.

        G: Nola orano hura gure arartekari ükhenen dügü?

        I: Egünkal haren letheriñen, konderen, edo arrosarioaren erraitiaz, eta haren konfrairia zonbaitetan sartziaz. Konfrairietan saintüki Elizak ezari dütü Jinkoaren gloriatan, eta bere haurren kristi hobetzeko: bena hala ere debetatzen dü haien debozionek eztitzen okher, ez gal erazi, nork bere parropian zor dütian eginbideak.

        G: Zer iakin behar die konfrai konfraisek?

        I: Bere aurhidegoa saintüko erregla, eta hari ahalaz onsa iarraiki.

        G: Zonbat misterio dadüzka arrosarioak?

        I: Hamabost, Jesüs-Kristen, eta Ama Birjinaren bizitzen gañen; zoñen ohoretan erran behar baita: hetarik bost dira alageranziazkoak; beste bost dolorosak; eta beste bost gloriosak.

        G: Erratzü alageranziazkoak.

        I: 1. Aingüriaren salütazionia, 2. Santa Elisabeten ikhustia, 3. Jesüs-Kristen sortzia, 4. Elizala, haren lehen eroaitia, eta Jesüs haurraren doktoreki dispüta.

        G: Erratzü dolorosak.

        I: 1. Olibetako baratzian presoner hartzia, 2. Pilataren etxen azotatzia, 3. elhorriz khoroatzia, 4. Kalbarioko mendiala kürütxiaren eramaitia, 5. hartan itzatürik gure salbazaliaren hilzia.

        G: Erratzü gloriosak.

        I: 1. Jesüs-Kristen piztia, 2. Zelialat igaitia, 3. Espiritü Saintiaren iaistia, 4. Andre Dana Mariaren Paradüsialat korpitz eta arimatan Jesüs bere semiaren indarraz igaitia, 5. haren khoroatzia, aingürü eta saintü orotan gañen izateko.

        G: Nola hamabost misterio horik ohoratzen dütügü, eta zer gozo hantik jiten zaikü?

        I: Astian behin debotki erraitiaz hamabost Pater-noster, eta ehün eta berrogei eta hamar Abe-Maria behinkoaz; edo hirur aldiz bostna Pater. Eta berrogei eta hamarna Abe-Maria: halaz irabazten dira Aita Saintiek hartako konfraier eman dütien indüljenziak. Eta Abe-Maria hoien kontia jarraikiten da Dabid profetaren psalmier. Erran bedi beraz onsa arrosarioa Jesüsen, Ama Birjinaren, baita Saint Dominika honen emailiaren ohoretan; eta haren besta gehiena onsa begira Ürrietako lehen igante oroz. Gük orai lan saintü honen ürhenzian bezala.

Salve Regina, &c. edo üskaraz

        Salütatzen zütügü erregiña miserikordiaren ama: ohoratzen zütügü gure bizitzia, eztitarzüna eta esparantxa bezala: zuri gaude oihüz Ebaren haur herratiak, zuri gaude hasperenez eta nigarrez lekhü nigarrezko hontan: eia beraz gure arartekosa, zure miserikordiazko begiez sogigüzü, eta Jesüs zure seme benedikatia bizitze honen ondoan erakuts izagüzü: A bihotz bera, A dohatsia, A Maria Birjina eztia. Hala biz.

        Ene Jinko hona, ene arima zure eskü saintietan ezarten dizüt: ene azken orenian onsa hilzeko grazia emadazü.