BIGARREN KAPITÜLIA

Andre Dana Mariaren sor egünaren.
Bürüilaren 8

        G: Egün zoin besta begiratzen dügü?

        I: Andre Dana Mariaren sor egüna.

        G: Beste jentiak bezala, haur sorthü deia bekhatiareki?

        I: Ezta hori sinhesteko, ez eta Jinkoak Jondane Johane Batistari beno grazia gütiago egin deriola.

        G: Jinkoak Jondane Johane Batistari zoin grazia egin zerion?

        I: Santifikatü izatia, bere amaren sabelian zela; eta hori egin zian andre Dana Mariaren hitzak.

        G: Hortik zer idokiten düzü?

        I: Hark berak eztiala dohain gütiago bat ükhen, bena lehenago handiagorik.

        G: Beraz andre Dana Mariaren saintütarzüna nolako zen?

        I: Saintütarzün bethe bat; bekhatü güziez baita benialez xahü zenaz geroz: halaz Elizak sinhesten dian bezala. Conc. Trid. ss. 6. Cap. 23.

        G: Zer da gorenik Birjina honen berthüteatan?

        I: Honek haurzarotik Jinkoari hitz eman zeriona, bere birjinitatia begiratüren ziala.

        G: Zertzaz lagünzen zian birjinitate saintia?

        I: Othoitzetan, eta bereber bizitziaz.

        G: Eta gañelan zerari zen?

        I: Honek güziak egiten zütian Jesüs-Kristen ama gei zenak, eta haur bere sabeliala hartü eta egari behar zianak, merexi zian bezala.

        G: Hortarik zer ikhasteko dügü?

        I: Jinkoaren honkiak onsa geñhatü behar dütügüla, eta biziki adelatü Eukaristian Jesüs-Kristen hartzera.

        G: Nork güziz behar dü jarraiki Birjina saintari?

        I: Neskatilek eta emaztek, hura emakümiaren ohoria delakoz.

        G: Zertan hura üdüri izan behar die?

        I: Hura bezala ixil, eme, xahü eta behera izatez.