17. igantian

HAMABOSTGARREN KAPITÜLIA

Salbatorez

        G: Zer besta dügü egüna?

        I: Salbatore besta diot Jesüs-Krist gure Jauna Zelialat igan den egüna.

        G: Jesüs-Krist etzena Zelian?

        I: Bai han zen Jinko bezala Aita bethierekoareki, bena Zelialat igan da gizon bezala korpitz eta arimatan.

        G: Nola?

        I: Beraren indarraz.

        G: Zer sinhesten düzü dela Zelia?

        I: Dohatsien egongia.

        G: Zergatik Jesüs-Krist hara igan da?

        I: Hasteko gozatzen bere Erresümaren.

        G: Zergatik orano?

        I: Gure lekhiaren han adelatzeko, eta gure abokatü izateko.

        G: Jesüs-Krist noiz igan da Zelialat?

        I: Arrapiztü zenetik berrogei egünen ondoan.

        G: Zergatik berrogei egün hurak ügürüki zütian?

        I: Hanitz aldiz bere diszipülier agertüz segürtatü nahi baitzütian, egiazki arrapiztü zela.

        G: Ütsartetan non zen Jesüs?

        I: Ezta sori horren galthatzia, zeren Jinkoak ezpaiterikü ikhasi nahi ükhen.

        G: Zelialat igan zen egünian zer egin zian?

        I: Bere diszipülieki jan; lüzaz heki minzatü zen hurak Bethanialat eroan zütian, eta Olibetako mendiala, nontik Zelialat igan baitzen, hurak eskiak goratürik benedikatü zütianian.

        G: Zer heltü zen ordian?

        I: Hurak benedikatzen zütiala, emeki igan zen so zauskola bere diszipüliak, odei batek hen begier estal artio.

        G: Eta haiek zer ikhusi zien?

        I: Orano gora so zaudiala, bi aingürü xuriz estalirik agertü zaitzen.

        G: Badakizia zer erran zerien aingürü haiek?

        I: Etzela deusi gehiago sogiteko; eta Jesüs egün batez agerriz Zelütik jinen zela, harat igan zen bezala.

        G: Gero diszipüliek zer egin zien?

        I: Jesüs-Kristek manatü zerien bezala algarreki joan ziren Maria haren ama saintareki; eta ixil emeki ügürüki zien hitz eman zerien Espiritü Saintia.

        G: Jesüs-Krist nola dago Zelian?

        I: Ohore eta indar handieki, Jinko bere aitaren esküñeko aldian.

        G: Horrek zer erran nahi dü?

        I: Oro egin ahal ditiroala Zelian, eta lürrian.

        G: Misterio honek zer eragin behar derikü?

        I: Gure bihotzak Zelialat gora erazi; handitarzünik ez nahi ükhen, Jesüs-Kristek beria ager erazi dirogüno.