BIGARREN KAPITÜLIA

Apostolü, eta Ebanjelista saintiez.

Zoin urthekal hiruretan
erran behar baita
apostolien bestetan

        G: Zoin deitzen dütüzie apostoliak?

        I: Jesüs-Kristek lehen deithü dütianak, bere Elizako artzain izateko.

        G: Zertako deithü izan dira?

        I: Jesüs-Krist mirakülien jakile, eta legiaren begiari izateko.

        G: Nontik güziz ageri zaikü, hen jakilegoa sinhetsi behar dügüla?

        I: Haur bere odol isuriez segürtatü derikielakoz.

        G: Jinkoaren hitzak nola zeñharatzen derikü apostolien izate ohoratia?

        I: Haur zeñharatü da Apokalipsaren hamabi harri hoietan, zointan gañen hiri sainta ohatürik baita, diot Eliza, eta zointan gañen izkiribatürik baitziren hamabi apostolien izenak.

        G: Zergatik Elizako habiak bezala edüki dira?

        I: Zeren Eliza baitago apostolien erranetan gañen.

        G: Apostolien erranek nola bethi iraiten die?

        I: Batetik bestiala hel eraziten dütiela jaun apezküpiek, zoin baitira apostolien ondokoak.

        G: Apostolü haboroez nolaz hain berri güti dakigü?

        I: Hen frütiek ager eraziten dütie hen lanak.

        G: Zoin dira hen frütiak?

        I: Hen predikiek mündü güzia, herri ohiletrano Ebanjelioaz, eta kristi Elizaz bethe die.

        G: Eta zoin dira ebanjelistak?

        I: Jesüs-Kristen bizitze eta predikien laur izkiribazaliak.

        G: Zoin da lehena?

        I: Jondane Matheu apostolia, zoñek gure salbazalia hil zenetik sarri izkiribatü baitzian Jüdeako herrian.

        G: Eta bigarrena?

        I: Mark saintia Jondane Petiriren seme espirituala eta diszipülia, zoñek Errümeko hirian izkiribatü baitzian, Jondane Petirik han Eliza ohatü zianian, Jesüs-Krist hil zenetik hamar urtheren üngürünian.

        G: Herena zoin da?

        I: Lük medezi saintia, Jondane Pauleren lagüna eta diszipülia; zoñek bere Ebanjelioa izkiribatü baitzian, Jesüs-Krist hil zenetik hogei eta hirur urtheren üngürünian; eta zoñek lehenik haren haurzaroko misterioak ikhasi baiterizkü.

        G: Eta laurgarrena?

        I: Jondane Johane Jesüs Jaunaz maithatia, zoin lothü baitzen haren bolharrian, apostolier bere korpitz saintia eman zerien aiharian; bethi birjina izana, apostolü, ebanjelista, profeta zoñek bere Ebanjelioa hasten baitü Jinkoaren semaik bethidanik dian sortzetik.

        G: Honek bere Ebanjelioa noiz izkiribatü dü?

        I: Jesüs-Krist hil zenetik hirur hogei eta bost urtheren üngürünian, heretiko zonbaiten goitzeko, zoñek haren jinkotarzüna ükhatzen baitzien.

        G: Lük saintiak eztia orano izkiribatü betse libürü bat?

        I: Apostoliez eginak izkiribatü dütü, non baitira Elizaren hatsarrian igaranak, eta Iondane Paulez eginak.

        G: Ebanjelisten izkiribietan, zeri hobeki gogoa emaiteko dügü?

        I: Hen emetarzün eta hümilitatiari, zoñek hurak ohora eraziten baiterizkie, eta bere erranak sinhets eraziten, espiritia gogor eztiener.

        G: Eta zer orano?

        I: Hen bardin egiaren erraitiari, algarren berririk etzienian ere.

        G: Zertan güziz apostoliak ohoratü behar dütügü?

        I: Hümilitatiareki hen izkiribien irakurtez, eta predikier behatzez, zoñek hen erranak argitzen baiterizkie.

        G: Zertan orano her iarraikiteko dügü?

        I: Iesüs-Kristen amorekatik, gaitz egartian laket izatez.