6. igantian

SEIGARREN KAPITÜLIA

Aparizioren aitzineko igantian.

Besta hontan ere erraiteko

        G: Zergatik daigün egü. besta hain handi bat dügü?

        I: Aparizio delakoz.

        G: Zer deitzen düzü Aparizio?

        I: Jesüs-Krist gure Jaunaren ager erazitia.

        G: Zergatik bestya horri izen hain edre bat eman derie?

        I: Zeren Elizak hortan hirur misterio handi ohoratzen baitütü, zoñek Jesüsen goratarzüna erakuts erazi baitie.

        G: Zoin dira hoik?

        I: Hirur Errege zühürren adorazionia: Jesüs-Kristen batheiatü izatia Jondane Johane Batistaz: eta haren lehen mirakülia, huretik mahatsano egin zianian Kanako ezteietan, Galileako herrian.

        G: Zer ziren hirur maje deithü hurak?

        I: Hirur jaun handi izarren onsa ezagützale ekhia iaikiten den herrian zaudianak, zoin errege deithü baitira.

        G: Hurak etziren beraz Jinkoaren popülükoetarik?

        I: Ez: pagano ziren.

        G: Zergatik Jinkoak bere semiaren adoratzera deithü zütian?

        I: Erakusteko; ordü hartan paganoek haren ezagützia behar ziela.

        G: Nola Jesüs zen eretziala hel erazi zütian?

        I: Izar batez.

        G: Non ikhasi zien profezien arau Jesüsek Betleemen izan behar ziala?

        I: Jerüsalemeko hirian, zointan baitzagoan ordian gehienki egiazko Eliza.

        G: Hirur erregek zer egin zien Jesüs haurra ediren zienian?

        I: Adoratü zien, eta hari ohereskatü ürhe, inxensü, eta mirra.

        G: Zergatik hirur dohain horik?

        I: Errege bati bezala ürhe eman zerien: Jinko bat bezala inxensü; eta gizon bezala mirra, honen egün batez ehortzi behar geiaren ohoratzeko.

        G: Jüdioak ere jin zirena haren adoratzera?

        I: Ez: eta hura zen haien ütsüeri geiaren zeñhare bat.

        G: Baia Herodes Jerüsalemeko erregia?

        I: Honek alegia egin zian hura adoratü nahi ziala, bena etzian gogoan Jesüsen salha erazi nahia baizik, haren hil eraziteko.

        G: Herodes zer üdüri da?

        I: Ipokritak, zoñek Jesüs adoratü nahi diela ürüpen egiten baitie bena hura bereietan ezaba kürütxian berriz itzatzen die egite gaitzez.

        G: Besta hortarik gozo hartzeko, zer egin behar da?

        I: Jesüs Jauna gana hel eraziten gütian izarrari bethi iarraiki, diot haren ziaren deitziari.

        G: Eta orano zer besterik?

        I: Sobera jan eta edatiaren lekhütan, hari egin merexi dütian ohereskiak.

        G: Nola?

        I: Behar gaxoen eretzian, hoier honki egitez.