11. igantian

BEDERATZÜGARREN KAPITÜLIA

Septuajesimaren iganteko

        G: Tenpora saintü hontan berheziki zeri gogoa emaiten düzü?

        I: Eztirela orai erraiten kantore alagerak, zoin baitira Alleluya, Gloria in excelsis, Te Deum, eta kolore bioleta elizak hertzen diala.

        G: Zergatik horik?

        I: Dolü eta hasperen zeñharetan, bi arrazogatik.

        G: Zoin da lehena?

        I: Egün hoiek üdüri eraziten derizkie Adamen egünak, eta hura nola bizi izan zen, hasten gira elizan irakurtzen.

        G: Zer erran nahi düzü Adamen egünez?

        I: Dolüzko eta penitenziazkoak, nola baitira bekhatorek eta esterratiek merexi dütienak.

        G: Elizak zer beraz erakasten derikü ororen dolü honzaz?

        I: Alageranziak, sobera ian eta edatiak, karataiskeriak, eta beste solazak ützi behar dütügüla.

        G: Zergatik?

        I: Haur hon elibatek bezala, gure ama Elizareki nigar egiteko; orhitürik gure salbazaliaren herio pasioniaz.

        G: Bigarren arrazoa zoin da?

        I: Gorozüma saintiaren onsa igaraitera adelatzeko.

        G: Zergatik beraz ihor egün hoietan, beste ordiez beno gehiago, sobera jan edan, erhokeria eta gaiza debetatier senthatüki iarraikiten da?

        I: Horik oro dira Deebriaren xotileziak, Elizaren gogo saintien gal erazi nahiz.

        G: Zer gaitzak orano egite gaisto hoietarik jiten dira?

        I: Baruraren huntarzünaren, eta kristiek Gorozüman beste obra hon egin ahal litiroien ororen bidia hausten die.

        G: Elizaren gogoari iarraikiteko, zer egin behar da Ihauterian?

        I: Lehenik joan elizala gogo honez Meza saintiaren enzütera; han egon lüzaz ago, Jesüs Jaunaren bihotzez lagünzeko, besten haboroek ahazten dieno.

        G: Eta zer orano?

        I: Ützi jokiak, apairü handiak, karataiskeriak, danzak, eta gañelako gaiza debetatiak. Eta adiskidegoaz, edo ihes ezin eginez, hetarik zonbaitetan ihor helzen bada, beste ordiez beno zühürrago eta emiago agertü behar dü.

        G: Karataits lasterkariak nor üdüri dira?

        I: Indioak, eta soldado Jesüs Jauna bilaizi zienak, zoñek begiak thapatü baitzeritzen, eta hilzerakoan hari egin mesperetxü hanitz.