18. igantian

HAMASEIGARREN KAPITÜLIA

Erraiteko Salbatore ondoko igantian,
baita Pentekostez eta honen bestetan

1. ARTIKÜLIA

Espiritü Saintiaren jaitstiaz

        G: Eliza daigün igantian hanbat ohoratzen dian besta zoin da?

        I: Pentekoste, zoin baita Espiritü Saintia jaitsi zen egüna.

        G: Pentekoste hitz honek zer erran nahi dü?

        I: Dio Bazkorik berrogei eta hamargarren egüna, zoin besta jüdiek ere hanitz ohoratzen baitzien.

        G: Espiritü Saintia beraz noiz jaitsi zen?

        I: Bazkorik berrogei eta hamargarren egünian, igante batez goizanko bederatzü orenen üngürünian.

        G: Jaitste hura nola egin zen?

        I: Herots handi Zelütik jiten zen bat enzün zien bat batetan, aize borthitz batena bezala, zoñek bethe baiztian, diszipüliak bildürik zaudian, etxe güzia.

        G: Zer heltü zen gero?

        I: Süzko mihi elibat bezala agertzen ikhusi zütien, zoin berhezi baitziren, eta hetarik bat bederatan gañen baratü.

        G: Jüdiek zer egin zien?

        I: Jüdiek zoin mündüko eretze orotarik bildürik baitzaudian Pentekosteren ohoratzeko, Zelütik jiten enzün zien azanziala laster egin zien.

        G: Zer ediren zien?

        I: Apostoliak ediren zütien, zoñek Jinkoaren miragarriak ohoratzen baitzütien, eta bat bederak bere anzo minzo zirela enzüten zütian.

        G: Apostolier beraz zer heltü zaien?

        I: Zelüko sü haren agartziari bihotzak piztü zaitzen eta garrez bethe, orotan erraiteko Jesüs-Krist arrapiztü zela.

        G: Aitzinetik egin zian herots handi hark zer zeñharatzen zian?

        I: Gure arimak Jinkoa maithatü beno lehen, harentako dian larderia saintia zeñharatzen zian.

        G: Süzko mihi haiek zer erran nahi zien?

        I: Argiz eta garrez bethe ziren apostolien predikiak.

        G: Espiritü Saintiak haietzaz zer zioan aitzinetik?

        I: Hek mündü güzia argitüren eta gorthüren ziela; zeren bat bederak bere anzo minzatzen enzüten baitzütian apostoliak.

        G: Eta hak zer erran nahi zain?

        I: Ororen minzatziala Jesüs-Kristen Ebanjelioa predikatü izanen zela.

2. ARTIKÜLIA

Pentekoste, hitzaz,
eta berrogei eta hamar egün garren
honek zer dioan

        G: Jüdiek baziena bere Pentekostia?

        I: Bai: baziela lehen erran dügü.

        G: Zer zen hura?

        I: Bere Bazkoaren berrogei eta hamargarren egüna, zoin hendiki bere artian ohoratzen baitzien.

        G: Zer heltü zen hen Bazkoaren berrogei eta hamargarren egünian, noiz Ejiptako erresümatik elkhi baitziren?

        I: Egün hartan lege izkiribatia eman zaien Sinai mendin gañen sü eta xilimisten artian.

        G: Haur zertan üdüri da kristien Pentekostia?

        I: Zeren lege berria egün hontan orori iakin erazi da, Jinkoak ager erazi dian sü berri baten erdian.

        G: Guri agertzen zaikün sü berriaren artian, zer da besterik Sinaiko süyan etzenik?

        I: Batak emaiten zian lotseria; eta bestiak ematzen gütü, Jinkoa ere maitha eraziten.

        G: Jüdioak zer ari ziren Pentekostez?

        I: Bere üztako primiziatarik egiten zütien ogiak Jinkoari ohereskatzen zeritzen.

        G: Zer deitzen dütüzie primiziak?

        I: Lehen frütiak.

        G: Eta horrek zer üdüri dü gure Pentekostereki?

        I: Zeren Pentekostez, Espiritü Saintiaren jaitstiaz, eta Jondane Petiriren peredikatziaz gure Eliza sortzen berri zenaren primiziak Jinkoari ohereskatü baitzaitzon.

        G: Nola hori?

        I: Hirur mila jenteren kristitziaz, zoñi hanitz besterik jarraiki baitziren.

3. ARTIKÜLIA

Elizaren hatsarrian Espiritü Saintiak
egin dütian miragarriez

        G: Elizaren hatsarreko kristiak nola bizi ziren?

        I: Ezin saintükiago; eta orok etzien ber bihotz eta arima bat baizik; etzien ere bere artian deus berhezirik.

        G: Nola?

        I: Bere honak salzen zütien, eta hen balioa apostolien eskietara ekhaten, zoin hoiek bat bederari beharraren arau emaiten baitzeritzen.

        G: Lehen kristiek zoin berthüte orano ager eraziten zien?

        I: Jesüs Kristen izenaren amorekatik gaitz hanitxen egartian alagera izatia.

        G: Jinkoa nola adoratzen eta zerbütxatzen zien?

        I: Egün oroz bilzen ziren algarreki othoizteko, apostolien predikier behatzeko, eta Eukaristia sakratiaren hartzeko.

        G: Orori beraz jente perestü ageri ziren?

        I: Bai, bethi elizan algarreki Jinkoaren othoitzen ikhusten zütien, eta güziek maite.

        G: Eta zer ikhusten zien miragarrienik?

        I: Apostolietan heltü zen berritarzüna.

        G: Zer zen hura?

        I: Hain sortha eta jakite gabe ziren gizon elibatek hain goraki Jinkoaren barnia, eta eskritüra saintiak erazagüt litzen.

        G: Zer berrikeria orano heltü zen apostolietan?

        I: Beldürtiak bihotztoitü ziren, jakile azkar izateko Jesüs Krist arrapiztü zela.

        G: Eta bere erranak nola egartzen zütien?

        I: Popülü güziaren aitzinian egiten zütien miraküliez.

        G: Nola orano?

        I: Bere büriak hilzera eta pena orotara eskenzen zütien, goraki egarteko Jesüs-Krist arrapiztürik ikhusi, enzün, eta honki ziela.

        G: Nork eman zerien indar hura?

        I: Espiritü Saintiak hen bihotzetan Jinkoaren maitetarzüna piztürik.

4. ARTIKÜLIA

Espiritü Saintiaren
bethi Elizari jarraikitiaz

        G: Espiritü Saintiak Eliza eztia ürgatzi bere hatsarrian baizik?

        I: Ondoko zeküria orotan bardin egarten dü.

        G: Zertan güziz Espiritü Saintiaren lana ageri da Elizan?

        I: Eman derion indarrian, deusek hura garhait eztiroan.

        G: Elizak zertan indar hori erakutsi dü?

        I: Hirur ehün urthez emeki bere gaizki egilen egartian.

        G: Elizaren indarra ezteia beste borogütan ageri?

        I: Bai, haur gorazki ageri da hanbat heresiaren goitzian.

        G: Zer deitzen dütüzü heresiak?

        I: Jakite gaistoak, zointan ihor Jinkoaz erranari beno lehen, jarraikiten baita bere ürüpenari, haur Elizak kondemnatürik ere.

        G: Espiritü Saintiak Eliza nola ürgazten dü orano?

        I: Xahüki hitz egien, eta saintütarzünaren espiritiaren haratn bethi irain eraziz hanbat gaizki egileren artian.

        G: Gaizki bizi direnen gaztigatzeko, zer egin behar da?

        I: Ahalaz onsa bizi Elizaren hatsarrekoak bezala; emeki egar gaitzak; ber bihotza eta arima ükhen orok; iraiziz gure artetik bilhaka eta etsaigoa güziak.

        G: Elizak bethi irañen dia?

        I: Bai: eta Jesüs Kristen hitzaren arau, eztie hura goithüren Ifernüko borthek.

        G: Zer dira Ifernüko borthak?

        I: Iferniaren indarra; eta honek dio tiran gaistoen borthitzarzünek ez heresiek, ez ere itxuski bizi direnek, zonbait bereberrek, ez eta Elizako zerbütxariek, eztiela haur jagoitik eragotziren.

        G: Horiegatik orogatik Eliza bethi egiati eta sainta izanen deia?

        I: Bai zinez.

        G: Nola bethi egiati?

        I: Zeren Jinkoak erran derizkün egiak bethi erakatsiren baiterizkü.

        G: Nola bethi sainta?

        I: Zeren bere hitz ssaintiez bethi sorthüren baitütü saintiak batarzün dianian.

        G: Nork egiten dü mirakülü hori?

        I: Haur pizten dian Espiritü Saintiak.

5. ARTIKÜLIA

Fediaren erakuste bat
Espiritü Saintiaren eretzian,
eta Elizan bethi bizi beharra

        G: Espiritü Saintiaz eta Elizaz gañe hontan erran dütüzünak sinhesten dütüzia zinez?

        I: Bai, bihotz osoz sinhesten düt Espiritü Saintian; Eliza sainta katolika; eta saintien parteliant izatia.

        G: Espiritü Saintia Jinko deia?

        I: Bai, Aitareki eta Semiareki, Espiritü Saintia ber Jinko bat da.

        G: Nork igorri dü egün?

        I: Aitak, eta Semiak.

        G: Zergatik diozü Aita eta Semiak haur igorri diela?

        I: Zeren bietarik jiten bada.

        G: Zergatik Espiritü Saintiaren landan, ezarten düzü Eliza?

        I: Erakusteko, Elizaren ahala, saintütarzüna, eta indar güziak jiten direla Espiritü Saintia ganik.

        G: Apostolietan nozpait bezala, Espiritü Saintia egiazko arima honetan dagoa?

        I: Bai, hura dago jente perestietan, hoiek oro dira Espiritü Saintiaren egongia.

        G: Badagoa ere Espiritü Saintia hen korpitzetan?

        I: Bai.

        G: Hoiek zer zor derie?

        I: Ez theyützia Jinkoaren egongiaren.

        G: Jinkoaren egongia hori, zoin baikira gihaur, nola theyützen da?

        I: Bekhatiaz.

        G: Zoin bekhatüz gehiago?

        I: Aragiaren likhisdüraz.

        G: Zergatik?

        I: Arima eta korpitza algarreki theyützen dütialakoz.