BOSTGARREN KAPITÜLIA

Khanderaillüko.
Baranthailaren 2.

Aitzineko igantian erran behar da,
baita bestan

        G: Zoin misterio ohoratzen dügü daigün egün?

        I: Andre Dana Mariaren Pürifikazionia, eta Jesüs-Kristen ohereskatzia elizan.

        G: Lege zaharrian zer zen pürifikazioniaren zeremonia?

        I: Legiak manatü zian, emazte güziak elizala joan litian xahatzera, erdzetik berrogei egünen ondoan, seme egin bazien; eta hirur hogeien ondoan, alhaba bazen.

        G: Xahatze hark zer zeñharatzen zian?

        I: Adamen bekhatürik landan, gure sortzia theyü eta eta maradikatü zela.

        G: Bazena deusere theyürik Jinkoaren semiaren sortzian eta Mariaren erdzian?

        I: Jinkoari eztatsala.

        G: Zergatik beraz Pürifikazioniaren legetik igaran da?

        I: Hümilitatez, eta beste emaztiak üdüri izateko, hala egin behar zian.

        G: Zergatik hark Jesüs-Krist ohereskatü zian elizan?

        I: Zeren legiak nahi baitzian, lehen sorthü haurrak han ohereska litian. Exodi 13.

        G: Zergatik?

        I: Orhitzeko Egiptan, Jinkoak bere popülia zilhetü zianian, ejipzienen haur lehen sorthiak oro hil erazi zütiala; eta israeliter bere lehen sorthiak bizirik begiratü.

        G: Zer manatü zian gero?

        I: Israeliten amek bere lehen haurrak ohereska litzoien, zoin berhala arrerosten baitzütien haren eskietarik, diharü emaiten zerienaz.

        G: Pürifikazionian zer sakrifizio egiten zien?

        I: Aberatsek axuri bat ohereskatzen zien; hon güti zienek bi urxapal, edo urzüme. Levit. 12.

        G: Zergatik Ebanjelioa ezta minzo urxapal eta urxümez baizik?

        I: Zeren Josefek eta Mariak, hon gabe zirelakoz, indar güti zienek bezala, bere ohereskiak egiten baitzütien.

        G: Hortik zer ikhasteko dügü?

        I: Gabeziaren maithatzia, zoñek Jesüs-Kristen etxekoak, eta hura bera üdüri eraziten baikütü.

        G: Zergatik Jesüs-Kristek elizan ohereskatü izan behar zian?

        I: Jente güzien berme bezala, hura han eman behar izan da.

        G: Ihork ezagütü ziana hura ohereskü hortan?

        I: Bai, Jinkoak haren ezagützeko, piztü zütian Simeon zahar dohatsia, eta santa Anna alhargün perestü, profetesa, eta barur egile handia.

        G: Haur egün hartan zer ari zen?

        I: Jesüs-Krist elizan ohereskatzen ziela haur minzo zen Israeleko popüliaren arrerostia ügürükiten zian ororeki.

        G: Eta simeon gizon zahar saintiak zer egin zian?

        I: Jesüs Jinkoaren haurra bere besoen artiala hartü zian, eta erran Nunc dimmittis kantoria.

        G: Zer dio kantore saintü honek?

        I: Zahar dohatsü hark etziala gehiago ansia hizez, ikhusiz geroz mündiaren argia izan behar ziana.

        G: Gero zer egin zian?

        I: Aitzindanik erran zütian, Jesüs-Kristek egariren zütian gaitzak, eta haren ama saintiak zütükian minak.

        G: Zergatik khanderak pizten dira besta hontan?

        I: Alageranzia zeñharetan, eta Simeonen erranaz orhitzeko, bai ezi Jesüs argia zatiala, paganoen argitzeko, eta Israelko popüliaren ohoretako.

        G: Besta hontan zer ikhasteko da Maria ganik?

        I: Jinkoaren legiari onsa jarraikitia, eta honi itzurtzeko ez ibil arrazu bilha.

        G: Zer ikhasteko da Jesüs-Krist Jauna ganik?

        I: Gihauren hareki aita bethierekoari ohereskatzia, güziz Mezako sakrifizio saintian.

        G: Zergatik elizan egün oroz erraiten da Nunc dimmittis kantoria?

        I: Simeon gizon perestiaz orhitzeko, eta harganik ikhasteko, eztügüla sobera behar nahi lürreko bizia.

        G: Zer beraz nahitzeko dügü?

        I: Jesüs-Kristen ükheitia.