HEREN PARTIA

Andre Dana Mariaren,
eta hanitz saintüren bestetako.

Besta hoiez jeneralki

        Erretorek urtheko laur tenporakal behin, haurrer katexima haur erran erazi behar derie, onsa ezagüt dezen, bestak zertako diren.

        G: Saintien bestak zer deitzen dütügü?

        I: Jinkoari ohereskatü diren egünak saintien orhitzarretan.

        G: Zoin egünez hoien orhitzarria egiten dügü?

        I: Hen hil egünareki haboroetan.

        G: Zergatik beraz, Elizak dioan bezala, hura deitzen die hen sor egüna?

        I: Zeren hen sortze egiazkoa baita, Zelian sortzia, eta bethi dohatsü izateko.

        G: Elizak zergatik manatü dütü honlako bestak?

        I: Jinkoaren ohratzeko bere dohatsietan.

        G: Nola?

        I: Zeren Jinkoak hurak saintü eta dohatsü egin baitütü.

        G: Elizak beraz zer gogo dü, dohatsiez orhitzeko manatü dütian bestetan?

        I: Her grazia eta gloria eman deritzenez, eskerren Jinkoari ohereskatzia.

        G: Zer da dohatsien gloria?

        I: Jinkoaren gloria bera, zoin hetara hedatzen baita.

        G: Dohatsien besten begiratzetik zer gozo jiten zaikü?

        I: Biga handirik.

        G: Errazü lehena.

        I: Dohatsien orhitzarriaren ohoratzian, her jarraikitera piztü gira.

        G: Eta bigarrena?

        I: Bere othoitzez ürgazten gütie.

        G: Elizak zergatik debozione berhezi bateki andre Dana Mariaren bestak ohoratzen dütü?

        I: Zeren honek merexi berhezi bat baitü, eta ihork bestek eztütükian dohañak.

        G: Zoin da hetarik handiena?

        I: Jinkoaren ama izatia.

        G: Horrek zer ditxa derio?

        I: Trinitate saintü güziareki algarganatze berhezi bat.

        G: Nola Aita bethierekoareki?

        I: Semiaz, zoin arteko baitie.

        G: Nola Semiareki?

        I: Honen ama delakoz.

        G: Nola Espiritü Saintiareki?

        I: Hargana jin delakoz, haren odol ezinago xahütik Jesüs-Kristen korpitzaren egiteko.

        G: Zer beraz sinhetsi behar dügü Birjina honez?

        I: Jinkoak haur graziaz bethe diala, bere Semiaren ama egin dianian.

        G: Eta zer orano?

        I: Haur adelatü diala, haren egongia merexitü baten izateko.

        G: Honen othoitzez eztütüzia egürükiteko grazia handiak?

        I: Bai: Jinkoak haur haitatü dianaz geroz, honzaz graziaren egiliaren guri emaiteko.