37. igantian

HOGEI ETA ZORTZIGARREN KAPITÜLIA

Zortzigarren maniaz

        G: Zortzigarren maniak zer nahi dü?

        I: Iakile falsü ezizala.

        G: Ezteia iagoitik sori gezür erraitia?

        I: Ez behinere, ez eta gizon bati biziaren begiratzeko, edo mündü güziaren irabazteko.

        G: Gezürrez edo gaizki minzatzez besteri damü egin derionaz, ihora züzen egin behar derioa?

        I: Bai honetan, nola ohorian.

        G: Gaizki bestez minzatzia bekhatü handi bat deia?

        I: Bai ebastia beno gaistoago da, ohoria diharia beno haboro delakoz, eta gaitzago haren bühürtzia.

        G: Zer da gaizki minzatzia?

        I: Jente baten ohoriaren kontre zerbaiten erraitia, haren gaizki ezarteko.

        G: Gaizki errailer behatzian laket izatiak Jinkoari ogen egiten derioa?

        I: Bai Beraz erraitiaz bezala.

        G: Gaizki erranez gal erazi den ohoriaz züzen egin behar deia?

        I: Bai hoiez kofesatürik ere, bestela ihor eztaite salba.

        G: Nola bühürtü behar zaio nori bere ohoria?

        I: Kristi lagünaren kontre gaizki erranak ükhatüz, eta hartzaz ihork dakitzan hontarzün hon ororen irailiz.

        G: Norbaitez gaizki erraiten enzütian, zer egin behar da?

        I: Ahalaz ixil erazi gaizki errailia; edo xotilki elhia ützül bestetara; edo so batez ezagüt erazi hura gaitz zaiola.

        G: Nola ihor begira daite gezürti izatetik, eta egia eztenaren erraitetik?

        I: Gogoa hartüz hurak deebrien bekhatiak bezalako direla, zoin Jinkoak bethiz geroz hügü, eta borthizki gaztigatü baitütü.

        G: Eta gaizki erraitetik?

        I: Gure lagünaren maitez, eta peretxü handi baten harentako ükheitiaz; haren egite ororen alde honiala hartziaz, edo estaliz flakezia.