SEIGARREN KAPITÜLIA

Zeliala eroan izanaz.
Agorrilaren 15.

Aitzineko igantian erran behar da

        G: Zoin besta dükegü daigün egün?

        I: Birjina saintaren hilzia, eta zelialatzia.

        G: Eliza saintak zer kantatzen dü hartzaz?

        I: Egün hortan aingüriak beno gorago hura altxatü izan zela, eta Paradüsia oro boztarioz bethe ziala.

        G: Hortzaz jakinsü saintiek zer sinheste die?

        I: Haur korpitz eta arimatan gloriala igan dela.

        G: Zer orano?

        I: Hanitz elizatako libürü zaharretan irakurten dügü, egün hortan haur hil delarik, herioak ezin goithü ziala.

        G: Nola boroga daite sinheste hori?

        I: Zeren Jesüs-Kristek arrapiztü denian, hanitz saintü arrapiztü baitütü, zoin ohorez bereki Zelialat eroan baitütü; eta sinhesteko baita, eztiala gütiago egin bere ama saintarentako.

        G: Bena zer sinhesteko da güziz Birjina saintaz?

        I: Bere semiaren hitzaren arau, haur hain goratü izan dela, nola bere büria beheratü baitzian berthütez.

        G: Zergatik da besta hortako prozesionia?

        I: Franziako erregen debozione bat da, luis hamirurgarrenak hasia, zointan berak, eta bere erresüma Birjina saintaren gomendü berhezian ezarten baitütie.

        G: Horren othoitzetarik hanitz egürükiteko deia?

        I: Ihor honez düda daitia.

        G: Honek zer galthatzen dü gehienki bere peretxa zaletarik?

        I: Haren berthüter jarraiki ditian, güziz haren xahütarzünari eta hümilitatiari.