ZAZPIGARREN KAPITÜLIA

Andre Dana Mariaren presentatziaz.
Azaroaren 21

        G: Eliza saintak zer orhit eraziten derikü Birjina saintaren Presentazionian?

        I: Ekhia jaikiten den herritik aspaldian jin zaikün sinheste hona.

        G: Horrek zer dadüka?

        I: Maria dohatsia haurzaroan Jinkoari oherskatü izan zaiola, eta eskentü bere Eliza saintan.

        G: Züzeneki hori sinhesteko deia?

        I: Birjina sainta ohoratzen dütien gaizak oro ihiki sinhetsi behar dira fediari ogen egiten ezpaderie.

        G: Bena zer da segürik?

        I: Egiaz Birjina sainta haurzarotik berheziki Jinkoari ohereskatü izan zaiola, eta bethi hazi haren hegalpetan.

        G: Zertan üdüri zen haur Eliza?

        I: Zeren haur baiten Eliza bizi bat, non Jinkoaren semiak egon behar baitzian.

        G: Zer ikhasteko dügü besta hontarik?

        I: Haurzarotik gure bürien bethi Jinkoari eskenzia bere Eliza saintan.

        G: Nola merexitüren dügü ohore hori?

        I: Othoitziaz, xahütarzünaz, eta zühürtziaz.