13. igantian

HAMEKAGARREN KAPITÜLIA

Pasioniaren igantian,
Erramü Bestako

        G: Zer besta dügü elizan daigün igantian?

        I: Erramü.

        G: Zergatik daigün igantia deitzen die Erramü?

        I: Egün hortan egiten den prozesionia gatik zointan batbederak erramü adiska bat eskian baitadüka.

        G: Prozesione hori zergatik egiten da?

        I: Orhitzeko Jesüs Jaunaren Jerüsalemera ohorez sartziaz, bere herio Pasioniaren sei aitzineko egünian.

        G: Gure salbazaliaren hilzerakoan ohoratze honek zer zeñharatzen dü?

        I: Bere hilziaz Deebria, Mündia eta aragia goithüren zütiala, eta Paradüsia idekiren zeriküla.

        G: Jesüs Jaunari nor elkhi zaion aitziniala?

        I: Jente xehiak eta haurrak.

        G: Zergatik?

        I: Zeren arima eme eta xahien laidorioak maite baitütü.

        G: Nolaz Jerüsalemeko handiak eta lege zaharreko gehienak etzaitzon elkhi bidiala?

        I: Hen ürgüilliak etzian merexi parte ükheitia Jesüs Jaunaren ohore egün hartan.

        G: Zer beraz egin behar da hartara parte ükheiteko?

        I: Hura bezala eme izan, eta bihotza beheratü.

        G: Zergatik Jesüs hara sarthü zen asto baten gañen?

        I: Profezien egiati hel eraziteko; eta guri gal eraziteko gora izan nahiaren.