12. igantian

HAMARGARREN KAPITÜLIA

Gorozümako lehen igantian
Iesüs-Krist erakutsi behar desertian:
edo Ninibako hiriaren barura eta dolia

        G: Gorozüma nontik da?

        I: Apostoliek haur hatsarretik manatü die.

        G: Zergatik?

        I: Semiaren bizitziaren bereberki ohoratzeko, zoin barurtü baitzen desertian berrogei egünez.

        G: Zergatik orano?

        I: Gure bekhatiez penitenzia egiteko barurez eta bezte gaztigiez.

        G: Zergatik orano?

        I: Gure zalbazaliaren herio pasioniaren hobeki ohoratzeko, eta Bazko bestetara adelatzeko.

        G: Elizak zertara eroan nahi gütü Gorozümaren baruraz?

        I: Egiazko baruriala, eta gaitzetarik gibelziala.

        G: Zoin da haur?

        I: Bekhatiari ihes egitia.

        G: Zeri orano?

        I: Jokü, tenpora galze, eta solaz debetatier.

        G: Elizaren gogoan Gorozümaren onsa igaraiteko, zer beraz egin behar da?

        I: Jan edanak, loa, eta solazak hertü; hobeki Jinkoaren othoitzeko.

        G: Kristiek nola igaraiteko die Gorozüma?

        I: Barur, othoitz, eta jente beharrer, beste ordiez beno gehiago honki geiten; lagün saldoer ihesi; gure ogenen ezagütziaz ahalketürik, zoñek hil erazi baitie Jesüs Jauna.

        G: Barurtzera zoin dira bortxatü?

        I: Hogei eta bat urthiak igaran dütienak oro, egiten ahal badie.

        G: Hel eztitakianak barurtzera, arras igaran ditakia mortifikatü gabe?

        I: Ez: eta ahalaz sarthü behar die Elizaren gogoan, zerbait berer hertzen diela.

        G: Zergatik Gorozüman kürütxia, imajinak, eta althariak estaltzen dira?

        I: Dolü eta penitenzia zeñharetan.

        G: Kristiak beraz zer sendimentü ükhen behar dü Gorozüman?

        I: Bihotz uruski, hasperen saintü, zinezko penitenzia bat: baita Jinkoaren hitzari behatü sinheste oso bateki.

        G: Zer orano?

        I: Ofizio saintietara joan, eta hetan Elizareki hasperen egin ixilik.

        G: Eta zer orano?

        I: Batbedera adela onsa kofesatzera ordü honez, egon gabe berant, eta Bazkozko lehietrano.