3. igantian

HIRURGARREN KAPITÜLIA

Jesüs-Krist gure Jaunaren bestez,
eta Elizaz haren misterio erakasten derizkünez.

Abentüko lehen igantiaren aitzinian erraiteko

        G: Zoin da daigün igantia?

        I: Abentüko lehen igantia.

        G: Zer deitzen düzü Abentia?

        I: Tenpora, zointan Eliza orhitzen baita Jesüs Jaun ügürükiaren mündü hontara jitiaz.

        G: Tenpora saintü hontan zer darabila gogoan?

        I: Gure aitzinekoen nahiak, zoñek hasperenez galthatzen baitzien mesia jin ladin.

        G: Zer deitzen düzü Mesia?

        I: Krist, edo Jaunaz berekatia, zoin sakratü baitü bere jinkotarzünaren barneko indarraz.

        G: Elizak zer dü gehiago gogoan Jesüs-Kristen jiten gañen?

        I: Orano jondane Johane Batistaren predikatzia, zoñez bidiak adelatzen baiteritzo.

        G: Nola bidia adelatzen derio?

        I: Penitenziaz.

        G: Elizak ezkütia ere gure salbazaliaren azken jitiaz orhit eraziten?

        I: Bai, ordian jinen da bizien eta hilen jüjatzera.

        G: Zergatik mintzo da bigarren jingei honzaz?

        I: Amorekatik, haren lehen jitiak zühürtzen ezpagütü, zointan Jesüsek grazia ekharten baiterikü; beldür giren haren jüstizia boroga eraziren derikünaren.

        G: Jinkoaren jüstizia garratzaren lotseriak zertara eroan behar gütü?

        I: Haren saintüki maithatzera.

        G: Zer ikhasi behar dügü eskola hontarik?

        I: Jesüs-Kristen nahi ükheitia, eta honi penitenziaz bihotzen adelatzia.