21. igantian

HAMASEIGARREN KAPITÜLIA

Korpitz saintiaz

Math. 26. v. 26. Marc. 14. Luc. 22. Joan. 6. 1. Corith. 11.

        G: Zer da Korpitz saintia?

        I: Althareko sakramentü saintia, zoñek gure arimaren bizigarri baitadüzka egiazki Jesüs-Krist gure jaunaren korpitza, odola, arima, eta Jinkotarzüna, ogiaren eta mahatsanoaren üdürien pian.

        G: Zer dira üdüri hurak?

        I: Gure sendimentier ageri diren xuritarzüna, biribiltarzüna, handitarzüna, figüra eta gozoa.

        G: Ezteia ogiaren eta mahatsanoaren izatia üdüri haieki?

        I: Ez: zeren hura egiten baita Jesüs Kristen korpitza eta odola; apezak Meza saintian, ostia eta mahatsanoa konsekratzen dütian bezain sarri.

        G: Nola borogatzen düzü mirakülü handi hori?

        I: Jesüs Jaunak berark Ebanjelioan erran derikü, ogia eskietara hartürik.

HAUR DA ENE KORPITZA eta mahatsanoa kalitzan ezarririk,
HAUR DA ENE ODOLAREN KALITZA.

        G: Noren hitzez eta indarraz egiten da Mezan Konsekrazione hori?

        I: Jesüs-Kristenez, zoin apezak haren manüz, eta lekhüko bezala erraiten baitütü.

        G: Noiz egiten da hori Mezan?

        I: Apezak ostia saintiaren, eta kalitzaren goratzerakoan, erraiten dütianian hitz sakramentalak.

Ordian Iesüs Kristen korpitz, eta odol sakratiak adoratü behar direiaBai onsa, hala nola haien hartzian, zeren ezpaititake berhez haren jinkotarzünetik.

22. igantian

        G: Korpitz saintia errezebitzen dianak, Iesüs-Kristen odol preziatia ere hartzen dia?

        I: Bai: zeren haren korpitz arrapiztia bethi bizi dena, odolarekin baita.

        G: Iesüs-Krist nola dago ostian?

        I: Espiritia korpitzian dagoan bezala, oso ostia güzian, baita haren eretze orotan: hartakoz ostia hausten denian, ezta batere hausten Iesüs-Kristen korpitza, bena bai ogiaren üdüriak.

        G: Ostian izateko, Iesüs-Krist elkhiten deia zelütik, ala ordü berian han ere dago?

        I: Ezta hantik ialkiten, Zelian eta sakramentü saintian da behinkoaz Jinkoaren ahalaz.

        G: Noiz manatü izan da sakramentü haur?

        I: Ostegün saintü gaian, Iesüs iaunak erranik, egizie haur ene orhitzarretan; eta ordü berian apostoliak apez egin zütian.

        G: Zer behar da sakramentü honen merexitürik hartzeko?

        I: Fedia, xahütarzüna, debozionia eta barur izan.

        G: Zer sinhetsi behar da osoki sakramentü honez?

        I: Natüraz gainti hontan dela Iesüs-Krist.

        G: Iesüs han gure korpitzeko begiez ikhus dirogia?

        I: Ez gure korpitzian arima beno haboro, zeren nola espiritiaren anzo han baitago, eztaite ikhus gure arimaren begiaz baizik, zoin baita fedia.

23. igantian

        G: Zer xahütarzün galthatzen derikü sakramentü honek?

        I: Bekhatü, güziz mortalik gabe izatia.

        G: Zer debozione?

        I: Berthüte berhezi zonbaiti iarraikitia; eta begiak beheratürik, korpitza xahürik, armarik batere gabe hura errezebi graziatan, eta beharra bada onsa kofesatürik.

        G: Nola barur?

        I: Gaiherdiz geroz deus ian ez edan gabe salbü eriak hilzerakoan.

        G: Zoin adinetan, eta nola ikhasirik hartü behar da korpitz saintia?

        I: Mithilkoek hamalaur urthetan, eta neskatilek hamabitan; othoitziak eta katexima ikhasirik, kofesorari hobekien üdüri zaion bezala.

        G: Erier eman behar zaieia korpitz saintia eta hura hetara lagüntü?

        I: Bai haien errekeitariek ordü honez eman erazi behar derie, hen arimaren eta korpitzaren hazkürre hobena denaz geroz: eta hari ohorez jarrikirik, eria Jinkoari gomendatü.

        G: Mezan ostia saintiaren goratzian, zer erran behar da?

        I: Adoratzen zütüt ümilki Jesüs-Krist ene salbazaliaren korpitz sakratia Maria Birjina ganik sorthia, eta kürütxian enegatik hil zirena; aragi bizia, arima saintia, Jinkotarzün osoa, eta ororen salbamentia, zure amorio handiaz othoi parka ene ogenak.

        G: Apezak kalitza goratzian, zer erran behar düzü?

        I: Adoratzen zütüt ümilki Jesüs-Krist ene salbazaliaren odol preziatia; ene bekhatü ororen xahatzeko isuria izadazü othoi ene arima, eta salba nezazü zure hontarzünaz.