Hey ko an, mo mi woni e yewtude tumawoo,

hiɗa lannditoo ko a hommbo.

      No gasa hara ko a poliisiijo,

      e taabal komiseeriijo,

      fewjoowo fii koɗu an ngun.

      A yi’ay

      ko fewjataa e hoore an.

      Maa hara ko a yumma an,

            Faatimatu Jallo,

      mi wujjuno on konnguɗi seeɗa,

                  yaafee,

      haaɗoo, huunde mi sifanaaki on.

Maa hara ko a Faatumata Binta

maa Ruqiyatu.

miɗo faalaa yo a anndu

wonndema Iburaahiima yeggitaali ma.

                        Kono ngol jantol no fewti heewuɓe,

      ko a Ismaiila

      maa hara ko a Emi

      miɗo lanndoo, si tawii hannde hiɗa wuuri,

      ko honto fodoore nden nawrumaa.

Maa hara jooninon ko an tigi,

seppoowo lummba ka njeerennde,

      maa on habbiiɗo eɓɓoore lummbugol ka ley leɗɗe,

      fii maa an kadi ɗii kumppiti ɗoo.

                        Maa hara ko an wallin-mi haa mi hewti ɗoo,

                              Oran maa Irun,

                                    njelo wawɓe wa maa.

      Maa hara

          ko an

woni jantaade ngol gimɗol.

                A wi’ay,

               ko min ?

      Eyyo

      si hiɗa faalaa

      ko an,

   kono hinaa min,

   min ko mi Iburaahiima,

   e ɗun ɗoo ko ngurndan an ɗan.