11

Adrar ko aduna goo. Ton, hay e gooto nanndaa e amen.

      Sonnaajo feƴƴi himo tiggii niqaab njano. Men lanndii mo ko honto woni daral otoojeɗen fii yahugol Qada’iya, kono o jaabaaki men. O jokki ko o seppata. Men darii men ndaari mo. Gorko kadi feƴƴi jon waare juutunde, mi yi’i mo koyɗe ɗen. Men lanndii mo ko honto wonu daral kaaruuje ɗen fii yahugol Qada’iya. O jaabii takkude kuugal junngo : « Tooniin too, woɗɗaa ɗoo. »

      Ka hoore laawol men yi’i tiggaaje ɗuuɗuɗe e ba’e. Ndarɗe maɓɓe ɗen no anndina men tun wonndema hinaa ka men haani wonude men woni.

      Ɓay men hewtii ka daral, men yahi men raŋi ka yeeyirde biyee. Woni haa hewti men. Mi inni sonnaajo wonuɗo ka ɓaawo wiitirwal on : « A salaam aleykum. » O jaabii lan : « Biyee fii Qada’iya ko dinaar wuluure e teemedere. »

      Mi liñi ka nder jiibaaji an mi tawi mido jogii dinaar wuluure e teemeɗɗe jowi. Isma’iila liñitii tawi hay huunde o jogitaaki. Hay fus. O inni lan yo mi yahu, kanko o luttay ɗon. Mi ndaari nano e ñaamo, mi miijiiti mi tawi mi waawataa accude kun paykun ɗoo.

      Men pottitii yeeyirde biyee nden. Soferjo taksii ɓadii men sabu mbaadi amen ndin. O lanndii men si tawii meɗen weelaa, men jaabii : « Eyyo. » O yolli junngo makko ngon ka jiibaa o ƴawni mbuuɗi teemeɗɗe jowi, kono adi o jonnude men o lanndi si tawii ko men julɓe. « Eyyo ko men julɓe », men jaabii mo. O dartii seeɗa o miijitii. O jonni men mbuuɗi ɗin.

      Mi inni Isma’iila : « Jooninon en heɓii dinaar guluuje ɗiɗi, en heddorii teemeɗɗe ɗiɗi, fii yo en waawu soodude biyeeji ɗiɗi. » Men jottii ka sera ɗatal e ndaaro otooje miijoo no gerda e yewtidugol fii no men warrata. Nettaali sukaaɓe iwruɓe Maali. Koddiwaaru e Kamerun tawi men. Inni men no fokkiti Alje, ka saare mawnde Aljerii. Men sifaniiɓe no men fewndorii. Tun, ɓe fawindiri jonngo, mo kala yeruwoo ko waawi, mo sappo, mo noogay, haa timmi teemeɗɗe ɗiɗi be okki men. Isma’iila inni : « Jooni non en heɓii guluuje ɗiɗi e teemeɗɗe ɗiɗi, hiɗen waawi yahude Qada’iya. »

      Men yahi Qada’iya.