15

Ko lebbi tati mi waɗi Tanje. Miɗo tefa, ƴeewa binnde an jemma e ñalorma e nder kulol mawngol. Ko ɗon mi faalanoo yollorde fii lummbo ngon, kono hari welaa fii. Lummbinooɓe ɓen ko ero guluuji nay lanndotonoo, maa guluuji tati ko fanɗi woo. E hin le min ko guluuje ɗiɗi e teemeɗɗe jeeɗiɗi mi jogii.

      Hoolorgol hurɓa no wonndi e caɗeele.

      Nde tawunoo tama’uwoo alaa, buy no suɓaade taƴaare mawnde : awƴa-awƴahoy koy. Yimɓe nayo maa njowo hawtindira mbuuɗi ɓe sooda laakun poore, ɓe ƴetta awƴirɗe, ɓe awƴana hoore maɓɓe. Si ko nden eɓɓoore haray ko ero teemedere tun, kono no hulɓinii non, sabu si ndiyan fuɗɗike naatude ka nder laakun haray lannii.