1

Ko Gine mi jibanaa, kono hinaa Gine-bisaa’o, hinaa kadi Gine-ekatoriyal. Ko Gine goo mo saare mawnde mun woni Konaakiri. Leydi Gine ndin no kernidi e leyɗe jeegoo; mi lintante tati: Senegaali, Saralon e mMali. Ko Gine Konaakiri jibinaa-mi.

      Ko e leñol fulɓe jeyaa-mi, ɗenngal an ko pular, kono miɗo waawi wowlude haala maninka e miɗo etoo e haala sooso. Gine ko ɗenɗe noogay e jowi yewtetee. Wattude e faransiire wonay noogay e jeegoo. Kaa ɗoo kadi (faransiire) miɗo yewta ka sabu mi ekkitike ka, ka duɗal (lekkol). Kono non min ko mi pullo e kadi miɗo anndi konnguɗi pular ɗin fow. E haala sooso miɗo anndi ɓuri konnguɗi wuluure. E haala maninka hewtaa ɗun seeɗa. E faransiire mi anndaa emmbere konnguɗi ɗi mi anndi.

      E haala Sooso, bireedi ko Taami innetee, baaba ko baaba kamɓe kadi ɓe innata. E haala maninka, neene, ko naa innetee, muuseendi ko dimin. Fewndo ko mi jibintee, yumma an a pew lutta e mun, sabu woo hari miɗo tiiɗi yumma an hayruno ƴiiƴan buy. E pular men inna ƴiiƴan e euskara wi’on odola, men wi’a aduna, wi’on mundua.

      Ko Konaakiri mi jibinaa sabu hari baa’en an ko ɗon hoɗi. Kono ɓay gasii men ruttino ka hoɗo amen Cankoy. Cankoy no woɗɗondiri e baharu on, ko moggo kankalabe. Ko cankoy ɗon mi woni haa mi heɓi duuɓi jowi wonndude e yumma an. Baaba’en ko e ndunngu seenotonoo, e lewru maarasi fii wallitagol yumma an golle ngessa. Miɗo minñiti gorko gooto et jiwɓe ɗiɗo.

      Ka suudu hari meɗen mari kolce sappo-e-ɗiɗi, maa sappo-e-tati. Ko min wallaynoo neene fii dannkagol na’i ɗin. Nde wonnde neene nulay lan ƴoogoygol ndiyan, mi yaha mi ƴooga, miɗo waɗanaynoo ɓe liggehoy goo, wano wuppugol conci maa wonugol binnde maɓɓe. Fayda ko ɗun ɗoo mi maandi e yumma an e on saa’i ɗon. Ɓay mi heɓii duuɓi jowi baaba’en an aranin-mi.