Ndee deftere, nde wayletee. Fillayee on no fuɗɗori nii : « Miɗo e leydi Eroppu, kono mi faalanooka arude Eroppu. » Jibinannde Gine, Iburaahiima Balde tawuno bee yalta ka mun fii jokkitugol miñan mun.

O yaaraali wa ɗaɓɓoowo nguuree, ko yaltini mo ka makko ko ɗaɓɓitugol neɗɗo ɓuruɗo e hittude ka wonkii makko. Ñeeñal e lette e feerede haala fow himo naɓidi. Ndarɗe makko ɗen no ɓanngini lette ɗe o feƴƴini ɗen. Noone maa e lette ɗe neɗɗo gasata heɓude. Ɗun e ɗun mun himo deeƴi. Ko nden deeƴere ɓuri hittude. Huunde labaande.

Amet Arjalus Antiya (Hendaia, Leydi Bask - 1983) « Bertsolari » (ngawlo), winndiyankoojo e jayndeyankoojo. Ko ka duɗal ikastola o fuɗɗii jannde e ɗenngal baskre. O duɗii fii jayndeyaagal ka duɗal mawngal Bilbo. E hitaande 2013 o yeɗaa geɓal mawngal ngawloyaagal e nder Leydi Bask. Fewndo hannde ko e ɗun o woni heɓude nguuree makko on.

Iburaahiima Balde (Konaakiri, Gine – 1994) wattoowo otooje njane. Ko e hitaande 2018 o hewti Eroppu. O anndindiri e e moodi Amet Arjalus e nder Leydi Bask ka njuɓɓudi wallitotooɓe feruɓe. O aadii fattinagol e nder Leydi Bask kono o salanaa. O wonuno duuɓi nay o alaa kaydi si o newnanaa kaydi wonugol yeru hitaande, ɗun ko e hitaande 2023. Fewndo ɗoo himo hoɗi e himo liggoo Madirid e nder Espaañ.

Miñan, ko deftere aranere weeɓitaande e hitaande 2019. Ndee defere heɓii ɓure wallifaaku ɗuuɗuɗe. Anndintinen wonndema ndee deftere ko e baskre winndaa firaa e ɗenɗe ɗuuɗuɗe. Wurin Paap Faransuwaa yewtii ɓannginii fii mayre laabiiji buy.