XIV. GARREN KAPITULUA

Sainduen debozione beroaz
Sakramendu Sainduaren alderat

ARIMAK

        Ala, Iauna, zeure beldurtasuna dutenentzat, dulzetasun handia eta eziñ konprendi deitekena estali baituzu!

        Noiz eta ordus orhoitzen bainaiz, arima Saindu batzuek nolako afekzione eta debozione beroarekiñ Sakramendu Saindurat hurbiltzen diren, neure baithan maiz gorritzen naiz, eta denbora berean konfunditzen ikhusteas, nolako epheltasun eta hostasunekiñ hurbiltzen naizen zure aldaretarat eta mahaiñ saindurat.

        Gorritzen naiz (diot nik berrisere) ikhusteaz neure baithan haiñbertze agortasun, eta haiñ guti bihotzean mobimendu; haiñ su guti ene Iainkoaren aitziñean; ahalkatzen naiz ez sentitzeaz ene baithan berotasun eta xarma sakratu hek, hañitz arima sainduek bere baithan egiñ ditustenak, zeiñak komunionearen desiraz eta hekien bihotzean erretzen zen amudioaz rabituak zirela, nigarretan bere buruak urtzetik eziñ debeka baitzetzaketen.

        Nola zutaz egarri eta gose baitziren, hargatik bere bihotzeko eta gorphutzeko ahoa maiz idekitzen zuten, zu ur bizien ithurria bezala, eta bere gose handiaren fazegatzeko zure gorphutz sakratua, boskario ispiritual esta nuharroiñtasun saindu batekiñ, errezibitzeko.

        O fede egiaski beroa, misterio saindu hunetan present zarela erakuisten duena!

        Arima saindu hek egiaski ezagutu dute Iauna ogiaren haustean, eta bi Diszipulu hek bezala erakuisten dute Iesu Kristo hekiekien dabillala, hekien bihotza hartaz haiñ sustatu eta bethea denaz geroz.

        Helas! ala halako debozionetik eta amudiosko mobimenduetarik maiz urrundua bainaiz.

        O Iesus infinituki ona eta estia, egidazu miserikordia.

        Errumes eta Pobre bat naiz zure aitziñean, zure bihotza animatzen duen amudiosko suaren zenbait khar estiezadazula errefusa, bide hortaz gerotik gerora ene fedea handi dadiñ, esparantza zure ontasunean borthitz, eta fiñean kharitatea behin perfeki bistua dela, zeruko manna gustarastzen darotala, sekulan hil estadiñ.

        Desiratzen dudan grazia zuk niri akhordatzekotzat, eta susko ispirituan ni bisitatzekotzat miserikordiaren egunean, zure ontasuna aski puxanta da, ene Jainkoa.

        Ezen zure maite partikularrek bezaiñ desira, eta su handia nik ez izan arren, gustiarekiñ desira edo nahi saindu hetaz poseditzeko desira ematen darotazu.

        Hargatik othoisten zaitut zu haiñ beroki maite zaitustenen arimen merezimenduetan parte ematerat; neure burua hekiekiñ, gorphutz beraren konpaiñian bethiere juntatua idukitzen dudala.