XIX. GARREN KAPITULUA

Nola giristiñoak bere burua
pazienziarat disposatu behar duen

IESU KRISTOK

        Ene semea, edo allaba etzazula pleiñtarik gehiago egiñ, ezagutzen duzunas geros eziñ egiñ dezakezula, baldiñ ene eta ene saiñduen doloreak konsideratzen baikitutzu.

        Odolaren isurtzeraiño estiozu oraiño zeure buruari resistenziarik egiñ.

        Zure pena guziak deus gutiak dire, bertze hainitzek sofritu ditustenekien konparatzen badire, zeiñen gaitzak gaiñdiduran izan baitire, nahis konsideratzen dela hekien handitasuna, nahis diferenzia, nahis luzetasuna.

        Zeure ispirituan hekien aflikzione handiak errepasa zatzu, zeure xumeagoak dulzekiago sofritzekotzat.

        Baldiñ handiak iduritzen baitzaiskitzu, zure pazienziaren eskasak sentimendu hori ematen darotzu.

        Baiñan nahis hainitz, nahis guri sofri dezazun, duzun bethiere artha kuraioski sofritzea.

        Zeure burua ungi sofritzerat disposatzea zuhurtzia handia da, gaitzak berak ariñago idurituko zaiskitzu, ungi hetan erresolitua zarenean, eta merezimendua ere handiagoa izaren da.

        Etzazula sekulan erran eziñ sofri dezaket hunelako presunas ni manera huntan tratatu ikatea! hori eziñ suporta ahal deiteken gauza bat da.

        Afruntu handi bat egiñ darot, eta egundaiño orhoitu esnazen gauzes erreportxu egiñ darot.

        Fazilki bertze presunak sofri netzake, eta bada bertze hainitz ofensa zeiñes espainuke axolarik.

        Pensamendu hori arrazoin gabeko imajinazione bano bat da, zer den pazienziaren bertutea, eta nork hura errekonpensatu behar duen konsideratzen estenas geros.

        Baiñan bai xoilki nor den ofensatu duen presuna, eta zer den errezibitu den ofensa.

        Plazer duenaganik, eta plazer duen bezanbat baizen sofritu nahi estuen presunak, estu pazienzia egiaskoa.

        Pazienziaren bertutea poseditzen duenak estu goardiarik egiten ala bere superiorak, ala bere igoalak, ala bere aspikoak, ala gison esteus batek, ala saiñdu batek, ala gaisto batek sofriarasten dioen; baiñan indiferenki mundu guziaganik arriba ahal dakiskion gaitz guziak errezibitzen ditu.

        Iainkoaren eskutik horiok guziak errezibitzen ditu, eta uste du irabazi handia egiten duela, zeren eta gauzarik xumeenak Iainkoagatik sofrituak direnean, espaitire merezimendurik gabe haren beraren aitziñean.

        Zaren beras gudukatzerat bethi prest, baldiñ biktorios gelditu nahi baduzu.

        Pena gabe pazientziaren khoroa eziñ ardiets deiteke. Sofritu nahi espaduzu, estuzu khoroatua nahi izan.

        Khoroa desiratzen baduzu jeneroski gonbata zaite, kuraioski sofri zazu.

        Trabailuaren prezioa errepausua da, eta guduaren errekonpentsa biktoria da.

ARIMAK

        Arren, ene Iainkoa, naturalki inposible diruriena, zure graziak diezadan posible errenda.

        Badakizu sofritzeko indar guti dudala, eta gaitz xume batek inkietatzen nabela.

        Egizu beras, arren gaitz guziak, zeiñes zure izenaren ohoretan ene exerzatzea plazer izaren baitzaitzu, su handirekien desira detzadan, hagitz abantail handia zaitanas geros ene arimaren salbamenduarentzat sofritzea, eta zuregatik persekutatua izatea.