XVI. GARREN KAPITULUA

Nola egiasko konsolazionea
Iainko xoila baithan
bilhatu behar den

ARIMAK

        Ene Jainkoa zer ere ene konsolazioneentzat desira eta pensa ahal baitetzaket, estire mundu huntan baiñan bai zeruan nerori bakharrik munduko plazer eta atsegiñ guzies gozatzen banintz ere, segur da, men men bates iragan leiteskela.

        O beras ene arima, eziñ kausi dezakezu boskario oso eta perfektik zure Jainkoa baithan baizen, zeiña pobreen konsolatzaile, eta humilen adiskidea baitha.

        Zaude aphur bat, zaude ene arima, zure salbaitzailearen promesen begira; eta ontasun guzies bethea izaren zare zerbetan.

        Presenteko ontasun lurresko hauk Jainkoaren ordenuaren kontra desiratzen baikitutzu, zeruko eta eternalak galduko ditutzu.

        Presentekoes zerbitza zaite, eta sekulakoak desira tatzu; ezen munduko deusek eziñ osoki kontenta zaitzakete, zeren espaitzare hetas gozatzeko kreatua.

        Kreaturetan diren ontasun guziak poseditzen baziñtu ere etziñteske dohatsu.

        Iainko xoila da zure ontasun suberanoa, eta hark xoilki dohatsu errenda ahal zaitzake ez munduaren maitatzailleek uste eta desiratzen duten bezala, baiñan giristiño fidelek duten bezala eta aitziñetik arima ispiritual eta garbiek gustatzen duten maneran zeiñen konbersazione eta afekzionea zeruan baitha.

        Lurretik heldu den konsolazionea falso eta iraupen gutitakoa da.

        Esta dohatsurik eta egiaskorik, gure bihotzaren barnean egiak berak sentiarasten darotzunik baizen.

        Jainkosko presunak berekien lekhu guzietarat badarabila bere konsolatzailea, zeiña Jesus baitha, zeiñari mais erraten baitio; lagun nazazu, ene salbatzailea, denbora eta lekhu guzietan.

        Ene boskarioa den munduko allegrantzia guzietarik gabetua izatean.

        Zure konsolazionea saltatzen bazait, zure borondatearekiñ konforme izatea, eta zuk gaitzetan nitas egiten duzun frogantza, den ene konsolazione handia.

        Ezen zure kolerak estu bethiere iraunen, eta zure mehatxuen garratstasuna esta bethierekoa izaren.