XIII. GARREN KAPITULUA

Nola arima debota komunione sainduan
Iesu Kristori perfeki juntatu behar zaion

ARIMAK

        Noiz izaren nais aski dohatsu o ene Iainkoa! zu bakharrik kausitzeko, zuri neure bihotza idikitzeko, eta ene arimako nahiaren arabera zutaz gozatzeko, nihork gehiago mespreza eznazanzat, zure espoz Sainduak bere Kantikoan dioen bezala; zu xoilki mintza zakiskit, eta ni ere zuri, maitatzaillea bere maiteari, edo adiskidea bere adiskideari mintzo zaion maneran.

        Ene desira eta ene othoitz guzia esta bertzerik, o ene Iainkoa! eurekien osoki juntatua izatea baizen, eta neure bihotza kreatura guzien afekzionetik urrundua, maizago misterio Saindu hau ofrendatzen darotzudala, eta errezibitzen dudala, gerotik gerora zeruko gauza eternalen gustatzen, ikhas dezadan amoreagatik.

        Helaz! ene salbatzaillea noiz zurekiñ unione perfekt hortan izaren naiz.

        Noiz izaren naiz zutaz halako maneraz poseditua, osoki neure buruaren orhoitzapena galduko baitut?

        Ene baithan zare, eta zure baithan naiz.

        Indazu grazia manera huntan eternitatean juntaturik gaudezen.

        Zu zare egiaski ene maitea (millen artean hautatua) zure baithan ene arimak eman du bere afekzione guzia, ene bizitzeko egun guzietan zurekien egotekotzat.

        Zu zare egiasko ene arimaren bakea; zure baithan errepausu eta bake suberanoa kausitzen dire, zutaz kanpoan esta trabaillurik, dolorerik eta miseria infiniturik baizen.

        Zu zare egiaski Jainko estalia gaistoekien komunikazionerik estuzuna, sinple eta humillekiñ solastatzen zarena.

        Ala zure ontasuna handia baita, o ene Iainkoa, zure umeei ekhartzen diozuten amudioaren samurtasuna erakuisteagatik, zerutik jautsirikako ogi plazeres betherikakoaz entretenitzen ditutzunaz gerostik.

        Egiaz esta nazionerik haiñ handirik, bere Iainkoa haiñ familierki komunikatu zaionik, nola zu ene Iainkoa, zeure fidelei egiten baitzaiskote, egun guzies ematen zaiskotenaz gerostik zutaz hazi eta gozatu ondoan bethiere konsolazione berri bat zeure baithan kausiturik bethiere bere bihotza zerurat altxatua dutentzat.

        Bada poblurik haiñ ohoraturik, nola baita kristabena?

        Zeruaren aspian zeiñ kreatura da haiñbertze Iainkoaz maitatua denik, nola baita arima debota, zeiñetan barna Iesu Kristo sartzen baita haren baskatzeko bere haragi glorioz eta inmortalaz.

        O grazia eziñ konprendi deitekena!

        O fagore adoragarria! o neurri gabeko amudioa Iainkoak gizonari xoilki erakuisten dioena!

        Zer Iainkoari errendatuko diot horlako ontasun handiarentzat, horlako seiñale extraordinarioarentzat.

        Eziñ deusik gehiago agradatzen zaitzunik egiñ dezaket, neure bihotza osoki zuri ematea eta hertsiki zurekien juntatua idukitzea baizen.

        Orduan ene barne guziak boskarioz gaindi eginen du, noiz eta orduz ene arima zurekien perfeki juntatua izaren baita.

        Orduan ene Iainkoak erranen darot enekien nahi baduzu izan, nik ere halaber zurekien nahi dut; eta ihardetsiko diot, arren Iauna egon zaite enekiñ, ezen ene desira xoila zurekien izatea da, hau da ene nahi guzia, ene bihotza osoki zurekien juntatua den.