XV. GARREN KAPITULUA

Nola Iainkoari gauza guzietan
erremetitu behar zaion,
eta deusik esten Iainkoak
nahi duenik baizen desideratu behar

IESU KRISTOK

        Ene semea edo allaba nahi dut gauza guzietan erran diezadazun; Iauna, arren nik proposatzen darotzudana egiñ bedi, zure borondatea hala bada.

        Baldiñ, Iauna, gauza batean ohoratua bazare, zure gloriarentzat egiñ dadilala.

        Baldiñ aitzinetik ikhusten baduzu nik galdegiten darotzudana progotxusko zaitala, egidazu grazia hartas zure ohoretan zerbitzatzeko.

        Niri kalte egiñ ahal diezakedala, eta ene salbamenduaren etsaia dela ezagutzen baduzu, ene arimatik halako desira eta pensamenduak khen zatzu.

        Ezen desira guziak estire ispiritu sainduaganik heldu, gizonari on eta zuzenak iduritu arren.

        Absolutuki juiatzea, ea ispiritu ona ala gaistoa den, gauza gaitza da, edo zure ispiritu propioa espada zerbeit gauzaren desiratzerat pusatzen zaituena.

        Askenean hainitzak trunpatu izan dire, zeiñek uste baitzuten ispiritu onas gidatuak zirela.

        Bethiere zure galdetze eta desirak beldurtasun eta humilitaterekiñ ofrendatu, eta ene disposizionerat erremetitu, zeure borondate propioari ukho egiten diozula, behar daroskidatzu.

        Bethiere erran behar darotazu; Iauna, badakizu hoberena zeiñ den. Hau egiñ bedi edo estadin egiñ, zure borondare sainduaren ordenaren araberat.

        Indazu plazer duzuna, plazer duzun maneran, eta plazer duzun denboran.

        Nola tratatu behar den baitakizu, eta hala egiñ nazazu, zuri agradagarri eta zure ohoreari gehien izaten zaion bezala.

        Nahi duzun lekhuan eman nazazu, eta gauza guzietan libertate oso batekin nitas disposa zazu.

        Zure Iainkosko eskuan nais, turna nazazu baterat eta bertzerat plazer izaren zaitzun bezala.

        Huna non naizen zure esklaboa, guzietarat prest, neuretzat bizi nahi estudanas geros, baiñan bai zuretzat; zure ontasunari nahi dakiola digneki eta perfetki.

OTHOITZA

        O Jesus, zeiñaren ontasuna infinitua baita, o ene bihotzerat zure grazia isurt zazu enekie, den, enekien trabaila dadiñ, eta askeneraiño enekien persebera dezan.

        Zer ere agradarri baitzaitzu, eta zer ere eneganik gehienik desiratzen baituzu hura bera desiraras diezadazu. Zure borondatea den enea eta eneak zurea dezan segi eta perfeki harekien konforme dadiñ egin.

        Nahi edo ez nahi izatea, den bethiere ene baithan, zure baithan bezala, eta estudan sekulan nahi zuk nahi duzuna baizen, eta ez nahi, zuk nahi estuzuna baizen.

        Arren egizu, naizen hilla munduko gauzentzat, eta es ezagutua munduas, hala nola zure amoreagatik mesprezatua.

        Egizu arren munduko desira ahal dezakedan gauza guzietan baiño hobeki zure baithan errepausa nadiñ, eta ene bihotzak zure galtzarrean bere bake eta boskarioa kausi dezan.

        Zu zare bihotzaren bakea, zu zaren errepausua.

        Zutas kanpoan gauza guziak gogor eta inkietak dire.

        Arren gustaras diezadazu Iainkosko lo eta errepausu bake suberanoan kausitzen dena, erran nahi da, zure baithan, ene Iainkoa, ontasun bakhar, suberano eta eternala.