BETI GOITI

        Huna huna Salbatore! Soinu eta lore!

        Min guzien gatik ere, piztu behar gare;

                        Huna Salbatore.

        Zabal zaitezte, loreak, gorri eta ori.

        Argi zaitezte, jendeak: beha doan Hari.

        Beha: zuen min guziak zeru-ke iduri...

        Beha: zuen min guziak zeru-ke iduri...

        Huna huna Salbatore! Soinu eta lore!

        Min guzien gatik ere, piztu behar gare;

                        Huna Salbatore.

        Etsai-orroz eta kexuz ondatuak gaude;

        Bainan bada zeru-alde nun nahitik bide.

        Jaunari so, goazen oro; ez egon beldurti.

        Bidez-bide, lohiz-lohi, goazen beti goiti!

        Goazen beti, goazen goiti! Huna Salbatore...

2-6-49