EZIN!

        «Nahi, nahi eta nahika!... Nahi nikek bai Jaunaren nahia egin, bainan ezin...»

        Ezin?... Hik bezenbat zentzu bazukan Pattin Piruen xahako famatuak:

                Merkatutik andarka heldu zukan Pattin

                Zangoak arin arin, moltsa dilin-din-din.

                Zurrut eta zurrutan Piruteiko Pattin

                Heldu zukan etxerat xahakoarekin.

                Noizbeit hasi duk Pattin, ai zer mila sorgin,

                Larderia gorrian xahakoarekin.

                Gauzo hunek baitzukan azken ttinta egin,

                Azken hatsa igorriz, erran ziok: ezin...

        Xahako hutsetik arnorik ez. Xahako hutsak: ezin...

        Bihotz hutsak: ezin...

        Zer ote duk bihotzean? Zer bazka ematen diok hire bihotzari?

        Otoitza gabe, gizona deusik ez. Hazkurrirrik gabe, arimak indarrik ez.

        Otoitz egin zak, funski. Har-zkik maizago Jaunaren Gorputz Odolak. Eta ikusiko duk, errex dela Jaunaren nahiaren egitea, goxo dela haren nahiaren «nahikatzea».

        Ez erran: ezin...

        Bete zak hire bihotza zeruko Arnoz, eta kantatuko duk nahigabetan, garraituko duk ezinduretan...

5-2-48