PARISEN

                San Iñazioren egunean

                lehen botuen kaperan.

Parisen, Jauna, zer arrabotsa:

Nola bidetan ez lotsa?

Parisen, Jauna, zer arrabotsa:

Nun aurki loa, nun hatsa?

Parise-pean, burrunben pean,

Jainko xorta bat bezala,

Hiri burrunben hertzen barnean

Kaperaño bat ixila.

Parisen, Jauna, zer arrabotsa:

Nun aurki loa, nun hatsa?...

Parise-peko kaperañoan

Multxo bat gazte zen jautsi,

Orai lau mende, oso osoan

Eman beharrez Jesusi.

Parisen, Jauna, zer arrabotsa:

Nola bidetan ez lotsa?

Hiri burruben itsasoeri

Jainko xorta nausi zela.

Parise-pean begiak argi

Hor zen Xabier, hor Loiola.

              * * *

Parise-pean burrunben pean

Kaperaño bat ixila.

Hor jauzi xorta, jauzi gaitzean

Denak loratuz dabila.

2-8-57