HIKIMILI KLIK

        Gizonak dohatsu dire eta ez dakite...

        Bizia iragaiten zaiote, baso bat arno edaten den bezala: hikilimili klik.

        Hasi orduko akabo. Eta gero pentsaketak: ai! zoin dohatsu nintzen gazte nintzelarik, zoin dohatsu jaz, zoin dohatsu atzo...

        Eta egun?

        Egun: atzoko urrikia; egun: biharko griña.

        Balaki gizonak egungo egunean bizitzen!

        Egungo egunak badu beti bere zorion-piska.

        Atzokoak atzo. Biharkoak bihar. Egungo egunari hurrupa bere bozkario-xorta.

        Egun bada iduzki, bada mendi, itsaso eta lur. Egun oro dabiltza Jainkoak nahi bezala. Egun bada gu baitan bizia, bada ere zerbeit gozo: kurutzearena bederen.

        Egun zeru alde ari gare, egun Aita Zerukoa bere zorion osoan dago.

        Nundik ez duke lurreko semeak, doi bat bederen, Aitaren zorionaz zorion?

11-9-47