Bortz urte aitagaiekin egona

                        eta heien uzteko eguna etorria.

HEZURRETAN...

Hezurretan dut senditzen

                      zuen amodioa,

Otoiz orotan ikusten

                      zuen bakotxen soa:

Gu arteko batasuna

                      bain zen oso osoa,

Hain ginuen-ta gozatzen

                      elgar maitez Jainkoa!

        Jainkoan zintuzten maite

                              bainan zin zinez maite...

        Oi ene bihotz barnea

                              pertsu pleinuz ar zaite:

        Itsasotara bat pertsu

                              hekien maitez bete,

        Anaien minaren mina

                              doi bat eztitu arte...

Ez... Ixil, ene bihotza:

                      ez aipa zure mina.

Anaiez orroit, ez egon

                      pertsu sukarrak jana:

Heien maitez ahantz oro

                      eta beha aintzina,

Hetarik behex maitatuz

                      hetan maitatu... Jauna.

14-6-46