Bi ilobañoak ikusirik

BI MUTTIKO...

        Bi muttiko ttiki-ttiki

        Dena begi, dena irri...

        Bi muttiko so egoiki.

        Etxekoen xoragarri...

Heigoraka zauden bi biak.

Ezpain-matelak ñoñoz bustiak:

Ni agertzean, ni ikustean

Harritu zaizkit bi biak.

        Bi muttiko ttiki-ttiki

        Matel xabal, matel xuri...

        Bi muttiko amultsuki

        Pottka eta ttinka ari.

Heien Aingeru hegal zabala

Hara heien zain irriz dagola:

Ai baloazi, balire bizi

Harek amestu bezala.

        Bi muttiko ttiki-ttiki

        Dena begi, dena irri,

        Biziari so egoiki

        Zeru-lurren xoragarri.

2-10-48