GOIZ-ARGI

                P. Espil, Hazpandarrari.

Goiz-argi hurrupa, hego-haize bil...

Kantuz, pertsuz, oihuz, gainez-gain ibil:

Egunaz, ez bara, gauaz ez ixil.

Goiz-argi hurrupa, hego-haize bil,

Ez dadin Euskara gu ixilduz hil.

Euskal-lurrak badu su eta lore;

Amets, argi, kantu eta intzire.

Pertsu ontzaileak nun ote dire?

Euskal-lurrak badu su eta lore;

Gogo zabal eta jaun haundi ere.

Ai! deriak euskaraz ari balire!

Goiz-argi hurrupa, hego-haize bil...

Kantuz, pertsuz, oihuz, gainez-gain ibil:

Egunaz, ez bara, gauaz ez ixil.

Goiz-argi hurrupa, hego-haize bil,

Ez dadin Euskara gu ixilduz hil.

Odola euskaldun izaki-eta

Euskara utzirik, erdaraz kanta!

Euskal-ontasunak atzeri bota!

Euskal-ama hiltzer izaki-eta

Bertzeak fereka, bertzeak arta!

Kanta, Ezpil, bainan... euskaraz kanta.

Goiz-argi hurrupa, hego-haize bil...

Kantuz, pertsuz, oihuz, gainez-gain ibil:

Egunaz, ez bara, gauaz ez ixil.

Goiz-argi hurrupa, hego-haize bil,

Ez dadin Euskara gu ixilduz hil.

26-12-49