MENDIZ BERTZALDEKO...

                Aita Donostiari

Mendiz bertzaldeko Euskal-Herria

Ezin geiago zait xoragarria.

Badu bihotzeko Su pizgarria

Zainetan indarra, soan irria.

Alde huntako Euskal-Herria

Ez zait gutiago maitagarria.

Ez du bertzean den suzko-jauzia

Bainan bai: Goxoa eta Neurria.

Indarra eta sua ez ote dire

Denen pizgarriko iduzki-lore?

Goxoa, neurria ez ote dire

Zeru urdinaren soaren pare?

Bai, han bada neurri, bainan ez aski:

Ai, hotzik argitzen suak balaki!

Bai, hemen bada su, bainan ez aski:

Ai, zeruan beti balitz iduzki!

Su neurri-gabeak zoin maiz dituen

Gogoa, neurria ito-arazten!

Neurri su-gabeak zoin maiz dituen

Indarrak titiltzen, gogoa histen!

Hangoek balute suan neurria,

Guk aldiz baginu su pizgarria,

Mendiz bi aldetan zer Goiz-argia,

Salbu bailitake Euskal-Herria!

Eup! Euskaltzaleak, altxa burua

Erdal-espantuka utziz mundua.

Gainez gain elgarri eman eskua:

Pitz dakigun berritz elgarren sua.

Ez dabila izan, gure galgarri,

Lokarri gabeko bi Euskal-Herri,

Har elgarren ganik bai su, bai neurri;

Jos, euskal-indarka, denak elgarri!

...-56