Ibar Garakotxeko saindu-gaiari

                        gertatua.

BANAKI

Banaki nolaz banaki

Zeru zola nolaz unki.

Joan naiz bidez, joan naiz larrez

Nundik nola zeru zola

Eskuz unki beharrez.

Banaki nolaz banaki

Zeru zola nolaz unki.

Joan naiz mendiz, joan naiz harriz

Zeru zola hortxet zela

Laster laster eta irriz.

Banaki nolaz banaki

Zeru zola nolaz unki.

Zeruaren unkitzeko

Beti joan naiz, beti goiti

Mendi-kaxkoz mendi-kaxko.

Banaki nolaz banaki

Zeru zola nolaz unki.

Joan naiz bila eta bila

Hara urrun ez dakit nun

Han zagola zeru zola.

Banaki nolaz banaki

Zeru zola nolaz unki.

Gelditu naiz iluntzean

Izerditan, nigarretan.

Erori naiz iratzean:

Zeru zola histen zela.

Erori naiz otoitzean

Nigarretan, lorietan:

Ene bihotz bihotzean

Pizten zela zeru zola.

                        Strasbourg-erakoan

22-7-57