Katolikoen eskoletako
santu laguntzaileari

Zer dogu zer bildurtu, lur au laño baltz batzuk

Gizaldi txar onetan illundua gaitik,

Izar batek baditu bere argitasunaz

Desagertu egiñgo guztiak mundutik?

Izan on nor jakun, iragarri nai neuke,

Zergaitik orañdiño beraren jaiotza,

Dalako illunari eguzkiak legetxe

Larri ta estu jarten deutsana biotza.

Eundaka urteak sei irago bitartean,

Ekatxak, ai! sarritan egin arren sortu,

Gaur gomutetan dogun eguzki argiari,

Arpegirik ezteutse orañdiño loitu.

Gau eta egun beti biziro agiri dan

Gar on kantuakaz gizonak alaban,

Lenago eben legez gaur bere bardiñ bardiñ,

Bere jaiotza pozez gura dabe ondrau.

Alperrik aixe txarrak aterako dituez

Aldaben guztietan odei aldrak kontra,

Tomasen bekokitik jaiotako tximistak

Zeñek ipiñi baña osoro itota?

Txerren baltz gau zaleak guzurra ta abarra

Ereiñ bei gura badau Egia ilteko;

Tomasen errañuzko saetak ikutzean

Bide billa asten da iges egiteko.

Betoz orrexe gaitik jakitunak ereñotz

Orriakaz burua egitera jantzi,

Zerren jakiturak koroi on zor deutsan

Beti garaipenagaz urten dan Tomasi.

Betoz niretzat bere edurra dirudien

Lora, azuzena ta larrosa zuriak,

Dontzel ildakoari apañtzeko egoki

Duiñ jakozan legetxe buru ta lokiak.

Betoz zeruetako arpadun egodunak,

Betoz soñu jotzalla guztiak lurrera,

Akiñoko eguzki illuntzen eztanari

Korro egiñda soñu ederrak jotera.

Bekart aren arteko soñularien batek,

Niri bere lira bat aldanik leunena;

Danoen soñuakaz eldu dediñ aixetan

Munduko ertzetara Tomasen izena.

Zeñek leukaken bear lako doe ederra,

Alabau daigun ondo gizon añ andia!

Jasorik zeruraño zalako aragizko

Añgeru bat munduan txito zurgarria.

Baña, zelan ni lako kantari labur batek

Zelan Tomasi jaso zor jakon gloria?

Noren burutik jaio ziran argi errekai

Ezpanaz iñor bere jarteko neurria?

Baña, nik kantauko dot Egiaren zaleak

Zelan daben izar au beti billatuko,

Tomasegan daukela argizko iturri bat,

Zeñek deutsezan laster lañoak kenduko