Beti gazte gura

Andra zar bat jardunda burua baltzitzen,

Ta kolorezko autsez arpegi edertzen,

Joan zan zedulatan Uriko etxera,

Ta sekretarioak ikustean bera,

Itandu eutsan laster: zeinbat urte dauka?

—Ogeta amar gaur bete, erantzuten deutsa,

Ta bere kautan diño eiñda irri barre

Ogetamar egiñak, nok esango leuke?

—Jauna zer pentsetan dau bada, gitxiago?

—Ez andrea, birritan dirala izango,

Neuk ditut ogetamar ta ulle zuria,

Berorrek eukanean nintzan ni txikia.

Alperrik bat nekatu gazte iruditzen,

Urte joanak baña eztabe parkatzen.