Aritzari

Euskaldun jaio nintzan,

Ta euskaldun azi,

Euskaraz eustalako

Amak erakutsi;

Euskara laztan maite,

Zabiltz nigaz beti,

Euskara ill ezkero

Ez dot gura bizi.

Euskaldun neban ama,

Ta euskaldun aita,

Euskaldun neu bere naz,

Eurak legez baita,

Euskaldun ill zirean,

Euskaldun bizita,

Euskaldun Arbolea

Zutirik itxita.

Ill zan aren Arbola,

Guk dogu gaztea,

Izango al dan onek

Osasun luzea;

Biztu dakigun gure

Lege zar maitea,

Zeiñen alde nai neuken

Emon bizitzea.

Eriotza gozoa

Litzake benetan,

Illtea Arbolagaitik

Gure mendietan;

Asko ill ziralako

Gizaldi zarretan,

Asabak bizi ziran

Libre lur onetan.

        Ene—Aritz—Maitea