Gurasoentzat gomutagarria

                1898ko zezeillaren 4an Albinatxo Gabiola

                ta Milikuari lenengo urtea beteriko egunean

Gaur urte bete zure etxean

Agertu ziñan izarra,

Zuri begira zoratzen dira

Pozarren aita ta ama;

Zarealako euren biotzen

Maite, kutun ta laztana;

Zarealako euren atsegiñ,

Ta gozotasun bakarra,

Illgo baziña begietan noz

Geratu biai negarra?

Egun bat legez, irago jakez

Irureun baño geiago;

Mundura agertu ziñan ezkero

Eurentzat gaurik eztago;

Zure etxean ez da gozetan

Gaur beti eguna baño;

Zure begiak direalako

Izarrak baño izarrago,

Zelan zu aztu o! Albinatxo

Aitamai noz zinan jaio?

Gaur legez urte askotan izan

Zaite etxeko gloria,

Daukazulako zerutar baten

Antz ta irudi bizia;

Urregorrizko ulleak dozuz,

Larrosazkoa arpegia;

Egoak goian itxita aurki,

Zara lurrera jatsia,

O! aragizko aingeru eder

Albina zoragarria!

                1898ko zemendiaren 15an

                ill zan Albinatxoari

Aurkitu baldin bere ezpaneban

Nik kantetean zugaiti,

Bertan egoak itxita jatsi

Ona ziñala Zeruti;

Aurkitu neban baña zer eingo

Zan zure etxean ikusi,

Illten bazinan atsekabea

Eginda bertako nausi;

Zure aitamak beti negarrez

Bearko ebela bizi.

Ederregia ziñealako

Nik artu neutsun billdurra,

Bizilekutzat ezetorrela

Zuretzat egoki lurra;

Nire bildurrak oraiñ dirudi

Zala benetan ziurra,

Ta apurtu arren aitari legez

Amari biotz samurra,

Negarrez biak urtzen itxita

Iges deutsezu zerura.

Ikusitean zala mundu au

Sentimentuzko erria,

Igarri zeuntsan au egoala

Danau arantzaz josia;

Eta bakarrik zelan guztetan

Jatzun alegerentzia;

Urte bi baño len nai zenduan

Eten ekizun bizia;

Izan zintezan igorik gora

Zeruetako txoria.

Bai, Albinatxo, jaritxi dozu

Gura zenduan guztia,

Jaritxi dozu beti berderik

Loratsua dan Erria;

Jaritxi dozu or izatea

Egazti kantalaria,

Kerubiñakin naste emoteko

Jaungoikoari gloria,

Amairik baga bizi dalako

Bertantxe udabarria.